Ağdaş 90-cı seçki dairəsi üzrə iyunun 18-də keçiriləcək təkrar seçkilərdə ReAl hərəkatının həbsdə olan lideri İlqar Məmmədovun namizədliyi irəli sürülüb. Onun sənədləri artıq MSK-ya təqdim olunub. Bu barədə Turan agentliyinə hərəkatın icraçı katibi Natiq Cəfərli bildirib.
O, artıq Məmmədovun səlahiyyətli nümayəndəsi kimi sözügedən dairənin seçki komissiyasına dəvət olunub, ona imza vərəqələri verilib.
Lazımi sayda imza toplandıqdan sonra vərəqələr DSK-ya təqdim ediləcək.
Təkrar seçkilər 90-cı seçki dairəsində 1 noyabr 2015-ci il tarixli səsvermənin nəticələrinin ləğv edilməsi ilə əlaqədar keçirilir.
Qeyd edək ki, bu dairə üzrə "Ümid" Partiyasının lideri İqbal Ağazadə də namizəd olmaq istəyini bildirib. -06D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz