![İlqar Məmmədov Qərbi Azərbaycan məmurlarına qarşı sanksiyalar tətbiq etməyə çağırdı](https://turan.az/resized/media/2013/main/022300029534-750-500-resize.webp)
İlqar Məmmədov Qərbi Azərbaycan məmurlarına qarşı sanksiyalar tətbiq etməyə çağırdı
Respublikaçı Alternativ (ReAl) vətəndaş hərəkatının lideri İlqar Məmmədov ABŞ Konqresinə və Avropa Parlamentinə onun həbsində əli olan vəzifəli şəxslərə qarşı sanksiyalar tətbiq etmək çağırışı ilə müraciət hazırlayır. Bu barədə ReAl-ın icraçı katibi Natiq Cəfərli facebook sosial şəbəkəsindəki səhifəsində məlumat yayıb.
O, Məmmədovun məktubunu yerləşdirib. Məmmədov qeyd edir ki, indiyədək Avropa Parlamentinə və ABŞ Konqresinə yalnız Qarabağın işğalı ilə əlaqədar müraciət edib.
Bu dəfə Məmmədov prezident seçkilərində iştirakdan kənarlaşdırılması üçün ona qarşı cinayət işinin saxtalaşdırılmasında iştirak edən şəxslər barəsində viza qadağasının və mümkündürsə, maddi xarakterli sanksiyaların tətbiq edilməsini xahiş etmək niyyətindədir.
Məmmədov sanksiyalara məruz qaldığını hesab etdiyi 11 konkret vəzifəli şəxsin adını çəkir. Bu, Prezident Administrasiyasının hüquq-mühafizə orqanları ilə iş şöbəsinin müdiri Fuad Ələsgərov, baş prokurorun birinci müavini Rüstəm Usubov, Baş Prokurorluğun Ağır Cinayətlər üzrə İstintaq İdarəsinin rəisi Eldar Əhmədov, bu idarənin işçiləri Səttar Rzayev, Nadir Mirzəyev, Qasım Məmmədov, habelə Məmmədovun həbsində və ya şikayətlərinin təmin edilməməsində əli olan vəkillər - Emin Mehdiyev, Faiq Qasımov, Sahibxan Mirzəyev, Camal Ramazanovdur.
"Siyasi məhbusların deyil, siyası məhbuslar yaradan şəxslərin siyahısını tərtib etmək və onları buna görə cəzalandırmaq lazımdır", deyə Məmmədovun məktubunda bildirilir.
Qeyd edək ki, bir müddət əvvəl bir sıra müxalifət xadimləri və hüquq müdafiəçiləri də "Maqnitski siyahısı" kimi, barələrində sanksiya tətbiq edilməli olan Azərbaycan məmurlarının siyahısının tərtib edilməsi zərurətini qeyd ediblər. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz