İlqar Məmmədov və Tofiq Yaqublu İsmayıllı hadisələri ilə bağlı istintaqa çağırılıb, jurnalistin kamerası alınıb
Bu gün Respublika Prokurorluğunun Ağır Cinayətlərə dair İşlər üzrə İstintaq İdarəsinin qarşısında çəkiliş aparan “Obyektiv” televiziyasının əməkdaşı Cavid Qurbanov saxlanılıb. O, İstintaq İdarəsinə aparılıb, vəsiqəsi və video kamerası alındıqdan sonra azad buraxılıb.
C.Qurbanov Turan-a bildirib ki, hazırda İstintaq İdarəsinin qarşısındadır, kamerası və vəsiqəsi geri qaytarılmayıb.
“REAL” hərəkatının rəhbəri İlqar Məmmədov və Müsavat başqanının müavini Tofiq Yaqublu İsmayıllı hadisələri ilə bağlı istintaqa çağırılıb. İstintaq İdarəsinin binası qarşısında onları çəkərkən mühafizə xidməti məni saxladı”, - C. Qurbanov qeyd edib.
Hazırda İ.Məmmədov İstintaq İdarəsindədir, T.Yaqublu isə binanın qarşısında gözləyir. -03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz