![İlqar Məmmədov və Tofiq Yaqublunun işi üzrə məhkəmə başlayır](https://turan.az/resized/media/2013/main/102100054359-750-500-resize.webp)
İlqar Məmmədov və Tofiq Yaqublunun işi üzrə məhkəmə başlayır
Noyabrın 4-də Ağır Cinayətlərə dair İşlər üzrə Şəki Məhkəməsində Rəşid Hüseynovun sədrliyi ilə İsmayıllı hadisələri üzrə hazırlıq iclası keçiriləcək.
Respublikaçı Alternativ hərəkatının lideri İlqar Məmmədov, Müsavat Partiyasının sədr müavini Tofiq Yaqublu və daha 18 nəfər məhkəməyə çıxarılacaq. Bu barədə Turan-a Yaqublunun vəkili Nemət Kərimli bildirib.
Onun sözlərinə görə, təqsirləndirilən şəxslər Gəncəyə göndəriləcək və məhkəmə istintaqı dövründə onlar yerli istintaq təcridxanasında qalacaq.
Yanvarın 23-24-də İsmayıllı şəhərində “Çıraq” otelinin menecerinin xuliqanlığı və icra hakimiyyəti rəhbərinin qohumunun iştirakı ilə törədilmiş YNH, sonradan icra başçısının yerli əhalini təhqir etməsi ilə əlaqədar kütləvi iğtişaşlar baş verib. Bir qrup sakin oteli və onun həyətindəki xarici markalı maşınları yandırıb.
Növbəti gün yerli sakinlər rayon icra başçısının istefası tələbi ilə etiraz aksiyasına başlayıblar. Sonradan aksiya böyüyərək, təhlükəsizlik qüvvələri ilə qarşıdurmalara çevrilib.
Məmmədov və Yaqublu yanvarın 24-də, iğtişaşlar yatmaq üzrə ikən vəziyyətlə tanış olmaq üçün İsmayıllıya gəlib.
Sonradan onlar həbs ediliblər və 220.1 (kütləvi iğtişaşların təşkili) və 315.2-ci (güc tətbiq etməklə polisə müqavimət göstərmə) maddələrlə ittiham olunublar.
Beynəlxalq ictimaiyyət Məmmədovu və Yaqublunu vicdan məhbusu kimi tanıyıb və dəfələrlə onların dərhal azad edilməsini tələb edib. Hakimiyyət bütün bu çağırışlara məhəl qoymayıb. -16D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz