İlqar Məmmədova qarşı kütləvi iğtişaş ittihamı irəli sürülüb
“ReAl” Hərəkatının həbsdə olan lideri İlqar Məmmədova qarşı İsmayıllı hadisələri ilə bağlı həbs edilən digər şəxslərlə bərabər əlavə ittiham irəli sürülüb. Bu barədə vəkil Fuad Ağayev Turan-a bildirib.
Onun sözlərinə görə, bundan öncə İ. Məmmədova qarşı Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanmışdı.
İndi isə Cinayət Məcəlləsinin 233-cü maddəsi 220-ci maddəsi (kütləvi işğtişaş) ilə əvəz edilib (yeni maddənin sanksiyasına görə 4 ildən 12 ilədək həbs nəzərdə tutulur).
Vəkil Məmmədova qarşı irəli sürülmüş ittihamın daha ağır sanksiyalı ittihamla əvəz olunmasını müxalifət qüvvələrinin susdurulmasına yönəlmiş hərəkətin nümayişi kimi qiymətləndirir.
“İqtidar bununla prezident seçkiləri ilində istənilən müxalifət qüvvəsini qanunsuz hüquqi yolla susdurmaq gücündə olduğunu nümayiş etdirir”, deyə o qeyd edib.
İlqar Məmmədov yanvarın 23 və 24-də İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilir.
Fevralın 4-də Nəsimi Rayon Məhkəməsi onun barəsində 2 aylıq həbs qətimkan tədbiri seçib. Sonra həbs müddəti daha 2 ay uzadılıb.
İlqar Məmmədov beynəlxalq hüquq müdafiə təşkilatları tərəfindən vicdan məhbusu kimi tanınıb.
Avropa İnsan hüquqları Məhkəməsi Məmmədovun şikayəti üzrə vaxtından əvvəl (bu il aprelin 9-dan) kommunikasiyaya başlayıb. Avropanın ali məhkəmə instansiyası Azərbaycan hökumətinə bu iş üzrə bir sıra suallar göndərib. Bakı iyunun 18-nə qədər Strasburqa cavab verməlidir.
İlqar Məmmədov yanvarın 23 və 24-də İsmayıllıda baş vermiş aksiyalar zamanı ictimai qaydanı pozmaqda və vətəndaşları iğtişaşlara təhrik etməkdə təqsirləndirilir.
Qeyd edək ki, İsmayıllı hadisələrinə görə, tutulan şəxslərdən Anar Həsənov, Səftər Ağamalıyev və Tofiq Yaqubluya və digərlərinə də Cinayət Məcəlləsinin 220-ci maddəsi üzrə ittiham irəli sürülüb. -03B-
-
- Analitika
- 1 May 2013 16:13
-
- İqtisadiyyat
- 1 May 2013 17:18
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz