İ.Məmmədovun MSK-ya qarşı apellyasiya şikayətinə baxılması qeyri-müəyyən müddət üçün təxirə salınıb

Bu gün Bakı Apellyasiya Məhkəməsində ReAl hərəkatının lideri İlqar Məmmədovun MSK tərəfindən prezidentiyə namizədliyinin qeydiyyatından imtina ilə bağlı şikayətinə baxılıb.

ReAl-ın icraçı katibi Natiq Cəfərlinin Turan-a verdiyi məlumata görə, məhkəmə Məmmədovun lehinə MSK-nın yalnız öz ehtimalları əsasında saxta elan etdiyi 4500 seçici imzasının təkrar ekspertizasının keçirilməsi haqqında qərar qəbul edib.

Bu zaman məhkəmə ekspertizanın keçirilməsi müddətini müəyyən etməyib.

Cəfərli məhkəmənin qərarını qəribə adlandırıb, belə ki, seçki təşviqatı artıq başlayıb və məhkəmə operativ qərar qəbul etməlidir.

“Vəkillər artıq 1 gün ərzində məhkəmə qərarının mətninin verilməsi haqqında məsələ qaldırıb”, deyə Cəfərli bildirib.

Məmmədov özü də məhkəmənin qərar qəbulunu uzatmasından narazılığını bildirib.

Məmmədov prezidentliyə namizədliyi qeydiyyata alınmadığı təqdirdə digər müxalifət namizədi Cəmil Həsənliyə səs verməyə çağırıb.

Proses qeyri-müəyyən müddətə təxirə salınıb. -16C06-

***

Bakı Apellyasiya Məhkəməsi ReAl-ın prezidentliyə namizədi İlqar Məmmədovun lehinə toplanmış seçici imzalarının təkrar ekspertizası keçirilməsi haqqında hökm çıxarıb.

Bu qərar Məmmədovun imza vərəqələrində 5 minə yaxın saxta imza aşkar edilməsi ilə əlaqədar MSK-nın onun prezidentliyə namizədliyini qeydiyyata almaqdan imtinası ilə bağlı şikayətinə baxılması zamanı qəbul edilib. -06D-