İnam Kərimov
Bakı/03.04.23/Turan: Aprelin 3-də parlamentin Hüquq siyasəti və dövlət quruculuğu məsələləri komitəsinin iclasında kənd təsərrüfatı naziri İnam Kərimovun Azərbaycan Ali Məhkəməsinin hakimi postuna namizədliyi təqdiq edilib və Milli Məclisin plenar iclasında təsdiqlənmək üçün tövsiyə edilib. Bu barədə Turan-a ölkə parlamentindəki mənbələr bildiriblər.
Kərimov Ali Məhkəmənin hakimi təsdiqləndikdən sonra dövlət başçısının onu ölkənin ali məhkəmə instansiyasının sədri təyin edəcəyi gözlənilir.
Ramiz Rzayev yaş həddilə əlaqədar bu postu tərk etdikdən sonra Ali Məhkəmənin sədri vəzifəsi vakant idi.
46 yaşlı Kərimov Sorbonna və Strasburq universitetlərində hüquq təhsili alıb, lakin əvvəllər məhkəmə orqanlarında çalışmayıb.
O, Prezident Administrasiyasında baş məsləhətçi olub, Azərbaycan Respublikası prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (ASAN) sədri vəzifəsini tutub. 2018-ci ildə kənd təsərrüfatı naziri təyin edilib. 21B06
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz