İnsan Hüquqları Klubu Ümumdünya İnsan Hüquqları Günü münasibətilə bəyanat yayaraq, Azərbaycanda insan hüquqlarının geniş və sistematik şəkildə pozulmasından dərin narahatlıq ifadə edib.
Azərbaycan Ümumdünya İnsan Hüquqları Gününü 142 siyasi məhbusla qeyd edir. Onlar azad edilməlidir, deyə bəyanatda bildirilir.
Sənəddə həmçinin müstəqil QHT-lərə təzyiqin gücləndiyi qeyd edilir.
Bu zaman bildirilir ki, 1000-dən çox QHT dövlət qeydiyyatı ala bilmir.
Seçkilərin Monitorinqi və Demokratiyanın Tədrisi Mərkəzi (SMDT) isə prezident seçkilərinin monitorinqini həyata keçirdiyi üçün cinayət təqibinə məruz qoyulub.
Bəyanatda beynəlxalq ictimaiyyət Azərbaycan hakimiyyətindən insan hüquqları sahəsində beynəlxalq öhdəliklərinə hörmət etməyi tələb etməyə çağırılır. Bu, 2014-cü ilin mayında ölkənin AŞ Nazirlər Komitəsində sədrliyə başlaması ərəfəsində xüsusilə vacibdir. -06D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz