İşəgötürənlər gələn il işçi sayını açıqlamaqda maraqlı olmayacaq

Gözlənildiyi kimi, keçmiş müavin Elman Mehdiyev Dövlət Sosial Müdafiə Fonduna sədr təyin edildi. 

Keçmiş prezident Heydər Əliyevin xatirə günü ərəfəsində o, bir neçə bəyanat verib. Onlardan ən vacibi gələn il icbari dövlət sosial sığorta dərəcəsinin saxlanmasıdır (25%-dən 22%-i işəgötürən ödəyir). Demək, işəgötürənlər əvvəlkitək işçi sayını açıqlamaqda maraqlı olmayacaq. Xatırladaq ki, əvvəllər keçmiş sədr, indiki nazir Səlim Müslümov işəgötürənlər üçün mümkün güzəşt barədə danışmışdı – işəgötürənlər 18%, işçilər  7%. 

Elman Mehdiyev bu proqnozlarla yadda qalır – 2014-cü ildə pensiyaçılar 1 mln 270 min (bu illə müqayisədə - 1,1 min) olacaq, yanvarın 1-dən qadınların pensiya yaşı 59,5-ə çatacaq, qadınlar üçün 63 səviyyəsində qalacaq. Pensiya hüququ verən sosial sığorta stajı dəyişməyəcək. 

DSMF sədri bu ilin sonu üçün 3,5% olacağını, iqtisadi aktiv əhalinin 4,78 mln nəfər, iqtisadiyyatda məşğulluğun 4,56 mln, muzdlu işçilərin 1,54 mln nəfər olacağını deyib. Ölkədə real orta aylıq maaş artımı tempi 5,4% olub 479,4 manata çatacaq. 

Amma Tarif Şurası proqnozu alt-üst edib – enerji daşıyıcılarının bahalanması istehlak malları və xidmət qiymətlərini 15% bahalandırıb. Bunu mağaza və bazarlarda qiymət siyahılarından görmək olar. --17D—