İnsan Hüquqları Günü münasibətilə Kətrin Əştonun Bəyanatı

"Bu il 1993-cü ildə Vyanada İnsan Hüquqları üzrə keçirilmiş Beynəlxalq Konfransın 20-ci ildönümüdür. Vyana Bəyanatı və Fəaliyyət Proqramında bütün insan hüquqlarının universallığı təsdiq edilmiş, onların təşviqi və müdafiəsində tarixi tərəqqi əldə edilmişdir. Bu, Aİ üçün ilham mənbəyi olmağa davam edir ki, insan hüquqları Aİ-nın əsas prinsiplərindəndir. Biz bütün dünyada insan hüquqlarının qorunması naminə Ali Komissar Navi Pillayın şəxsi töhfəsinə və onun idarəsinin gördüyü nəhəng işə görə onu təbrik edirik.

Bir il əvvəl Avropa İttifaqı İnsan Hüquqları və Demokratiya üzrə Strategiya Çərçivəsi və Fəaliyyət Planını qəbul etmiş, İnsan Hüquqları üzrə ilk Xüsusi Nümayəndəsini - Stavros Lambrinidisi təyin etmişdir. O vaxtdan etibarən insan hüquqları və demokratiyanın Aİ-nın xarici fəaliyyətində mərkəzi məsələ olmasına diqqət ayırmışıq. Biz, əqidə və ya inam və lesbiyan, gey, biseksual, transgender və interseks insanların hüquqlarının istifadəsi haqda yeni Aİ Təlimatları qəbul etmişik. Bütün dünyada ölüm cəzasına qadağa qoymaq üçün uzun müddət kampaniya aparmışıq.

Aİ dünyadakı bütün insanların hüquqlarına hörmət etməyə və onların müdafiəsini qəti şəkildə təşviq etməyə davam edir. Biz, bir çox ölkələrdə media və insan hüquqları müdafiəçilərinin hədə-qorxu, zorakılıq və senzuraya məruz qalması hallarının artmasından narahatıq. Bu gün bütün düşüncələrimiz insan hüquqlarını müdafiə etdikləri üçün təqibə məruz qalan şəxslərlədir. Aİ insan hüquqları və demokratiyaya və onları müdafiə edən tərəflərə öz mətin yardımını təklif etməyə davam edir.