İqor Popov: Qarabağ münqaişəsinin tərəfləri öz mövqelərini dəqiqləşdirməlidirlər

Yerevan/05.11.13/Turan-Armİnfo: Ermənistan prezidenti Serj Sarkisyan və Azərbaycan prezidenti İlham Əliyevin görüşlərini davam etdirməyin vaxtı çatıb. Bu görüşlər zamanı Qarabağ münaqişəsinin tərəfləri öz mövqelərini dəqiqləşdirməlidirlər. Bu barədə jurnalistlərə ATƏT MQ-nin rusiyalı həmsədri İqor Popov çərşənbə axşamı Ermənistan XİN rəhbəri Edvard Nalbandyanla görüşdən sonra bildirib.

Onun sözlərinə görə, ATƏT-in Minsk qrupunun həmsədrləri irəliləmək üçün Qarabağ münaqişəsi tərəflərinin mövqeyinin dəqiqləşdirilməsini gözləyir. O xatırladıb ki, son iki il ərzində xarici işlər nazirləri səviyyəsində görüş təşəbbüsləri olub, bir halda ki, daha yüksək səviyyədə görüşlərin davam etdirilməsinin vaxtı çatıb.

Öz növbəsində, ABŞ-dan olan həmsədr Ceyms Uorlik əlavə edib ki, həmsədrlər bu ilin sonuna qədər Ermənistan və Azərbaycan prezidentlərinin görüşünü təşkil etməyi planlaşdırırlar. O, həmçinin əlavə edib ki, ATƏT MQ münaqişə tərəfləri üçün vəziyyətin mürəkkəb olduğunu dərk edərək, anlayaraq, sülh qurulması istiqamətində işləyir.

Qeyd edək ki, həmsədrlər dünən Azərbaycanda olublar. Azərbaycan prezidenti, XİN rəhbəri, müdafiə naziri ilə görüşlər keçirilib. İlham Əliyev Serj Sarkisyanla görüşdə iştirak etməyə razılıq verib.

Bu gün isə həmsədrlərin Ermənistan prezidenti ilə görüşü olacaq. Görüşdə yeni görüşün təşkili məsələsi müzakirə olunacaq. -02D-