Dövlət Statistika Komitəsi oktyabrda istehlak bazarında 0,7% artım qeydə alıb. Beş aylıq deflyasiyadan sonra sentyabrda (0,1%) inflyasiya başlayıb.
Rəsmi hesablamalara görə, ərzaq məhsullarının qiymətləri 1,2 faiz, qeyri-ərzaq mallarının qiymətləri 0,4 faiz, əhaliyə göstərilən pullu xidmətlərin qiymət və tarifləri 0,2 faiz bahalaşıb. Bu il ərzağın maksimal qiymət artımı martda (1,3%) olub.
DSK-ya görə, oktyabrda mal ətinin, qarabaşaq yarmasının, almanın, heyvanın, narın, limonun, naringinin, qozun, şabalıdın, kələmin, çuğundurun, kökün, balqabağın, şəkər və şəkər tozunun qiymətlərində ucuzlaşma olub.
Ötən ay qoyun əti, kolbasa, toyuq əti, düyü, makaron, süd və süd məmulatı, yumurta, kərə yağı, kartof, soğan, sarımsaq, xiyar və pomidor bahalanmışdı. 08D
İqtisadiyyat
-
Azərbaycanın Dövlət Neft Şirkəti SOCAR noyabrın 15-də Azərbaycanın maliyyə bazarında ekoloji davamlı layihələri dəstəkləmək üçün "yaşıl" istiqrazlar buraxmağı planlaşdırdığını elan edib.
-
Azərbaycan Dövlət Neft Şirkəti (SOCAR) cümə günü Birləşmiş Ərəb Əmirliklərinin Masdar şirkəti və Səudiyyə Ərəbistanının ACWA Power şirkəti ilə Xəzər dənizinin Azərbaycan sektorunda ümumi gücü 3,5 gigavat olan dəniz külək elektrik stansiyaları şəbəkəsinin yaradılması üçün Anlaşma Memorandumu imzalayıb.
-
COP 29 iqlim sammitində Rusiya nümayəndə heyəti BMT-nin İqlim Dəyişikliyi üzrə Çərçivə Konvensiyasının (UNFCCC) və Paris Sazişinin prinsiplərinə sadiq qaldığını bir daha vurğulayıb. Rusiya Federasiyası, iqlim maliyyələşdirilməsi ilə bağlı inkişaf etmiş ölkələrin öz öhdəliklərini yerinə yetirməyə davam etməli olduğunu və inkişaf etməkdə olan ölkələrə könüllü əsasda dəstək göstərmə imkanı verilməli olduğunu ifadə edərək, "ümumi, lakin fərqləndirilmiş məsuliyyət" prinsipinə riayət etməyin vacibliyini vurğulayıb.
-
Dünyada iqlim dəyişikliyinə uyğunlaşma səyləri üçün illik maliyyələşmədə 2030-cu ilədək 87 milyard dollaradək çatışmazlıq gözlənilir. Bu barədə Böyük Britaniya Xəzinədarlığının Maliyyə Katibi Lord Livermor "İqlim Üçün Hərəkətə Səfərbərlik: Ölkələr, Çoxmilli Maliyyə Təşkilatları və Özəl Sektorun Paris Sazişinin Tətbiqi" adlı panel müzakirəsində bildirib.
Rəy yaz