İqtisadçı Fərid Mehralızadənin həbs müddəti dekabrın 19-dək uzadılıb
Cümə axşamı Xətai Rayon Məhkəməsi iqtisadçı Fərid Mehralızadənin həbs müddətini daha 3 ay uzadıb. Məhkəmənin qərarına əsasən, o, dekabrın 19-dək həbsdə qalacaq, vəkil Cavad Cavadov bildirib.
Mehralızadə “Abzas Media” nəşrinin işi üzrə həbs edilib. Lakin o, ittihamları rədd edir və bildirir ki, bu nəşrlə heç bir əlaqəsi yoxdur, sadəcə, ekspert olaraq bu KİV-ə, eləcə də bir çox başqa KİV-ə şərhlər verib.
* Fərid Mehralizadə iyunun 1-də “Abzas Media” əməkdaşları ilə birlikdə xarici valyuta qaçaqmalçılığı (Cinayət Məcəlləsinin 206.3.2-ci maddəsi) ittihamı ilə həbs edilib.
Avqustun ortalarında Mehralızadəyə bu iş üzrə keçən digər müttəhimlər kimi aşağıdakı maddələrlə yeni ittihamlar irəli sürülüb: Cinayət Məcəlləsinin 192.3.2, 193-1.3.1, 193-1.3.2, 206.4, 320.1, 320.2 və 213.2.1 (mütəşəkkil qrup tərəfindən qanunsuz sahibkarlıq, mütəşəkkil qrup tərəfindən cinayət yoluyla əldə edilmiş külli miqdarda pulun leqallaşdırılması, mütəşəkkil qrup tərəfindən qaçaqmalçılıq, sənədlərin saxtalaşdırılması və saxta sənədlərdən istifadə, mütəşəkkil qrup tərəfindən vergidən yayınma).
Fərid Mehralizadə hüquq müdafiəçiləri tərəfindən siyasi məhbus kimi tanınıb.
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz