İran HDQ Xəzərdə təlim keçirib
Çərşənbə axşamı İranın Hərbi Dəniz Qüvvələri Xəzər dənizində təlim keçirib. Təlim avqustun 12-də axşam HDQ-nin Astaradakı bazasında keçirilib.
İranın Mehr Agentliyinin məlumatına görə, təlim zamanı "şərti hədəflərə" hücum olunub.
"Təlimin məqsədi HDQ-ni maksimum hazırlamaq olub", deyə Astara qubernatoru Həmid Musəvi bildirib.
Təlimlərdə hansı qüvvələrin və vasitələrin iştirak etdiyi, həmçinin iştirakçıların sayı açıqlanmır.
Qeyd edək ki, İranın Astara şəhərində hərbi dəniz bazası yoxdur. Orada sadəcə olaraq kiçik ticarət limanı var.
Beynəlxalq qanunvericiliyə əsasən, İran keçirilən təlim haqqında bütün sahil ölkələrinə xəbərdarlıq etməli idi.
Siyasət
-
Müsavat Partiyasının sədri İsa Qəmbər avqustun 14-də ATƏT-in Seçki Müşahidə Missiyasının rəhbəri Ditmir Buşati ilə görüşüb. Görüş Müsavat Partiyasının qərargahında keçirilib və sentyabrın 1-nə təyin olunan növbədənkənar parlament seçkiləri ilə bağlı müzakirələr aparılıb.
-
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
-
İnternet provayderləri arasında sui-istifadə hallarına qarşı araşdırmalara başlanılıb, bu barədə avqustun 14-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti məlumat yayıb.
-
Azərbaycan prezidentinin köməkçisi Elçin Əmirbəyovun "Azadlıq" radiosuna bu yaxınlarda verdiyi müsahibəsində Bakı və Yerevanın Zəngəzur dəhlizi bəndinin sülh müqaviləsindən çıxarılması və onun müzakirəsinin sonrakı mərhələyə keçirilməsi barədə qərara gəlinməsi haqqında sözləri xüsusi diqqət çəkməyib.
Rəy yaz