![Açiq mənbələrdən foto.](https://turan.az/resized/media/2022/main/083100050211-750-500-resize.webp)
Açiq mənbələrdən foto.
İran Rusiyaya döyüş PUAları verib - ABŞ Dövlət Departamenti
Vaşinqton/31.08.22/Turan: ABŞ Dövlət Departamenti çərşənbə axşamı Rusiyanın İran pilotsuz aparatlarını aldığını və onları Ukraynada müharibədə istifadə etmək niyyətini təsdiqləyib. Bunu Dövlət Departamentinin sözçüsünün müavini Vedant Patel brifinqdə deyib.
“Rusiya ordusu sanksiyalar və ixrac nəzarəti səbəbindən müasir silahların ciddi çatışmazlığından əziyyət çəkir. Bu, Rusiyanı İran kimi etibarsız ölkələrdən silah almağa məcbur edir”, - Patel Turan-ın müxbirinin sualını şərh edərkən bildirib.
“Biz Rusiya və İrana qarşı silah ticarəti sanksiyalarını fəal şəkildə tətbiq etməyə davam edəcəyik”, - o əlavə edib.
Patel xatırladıb ki, avqustda bir neçə gün ərzində Rusiya nəqliyyat təyyarələri İrandakı aerodromda PUAları yükləyib və Rusiyaya çatdırıb.
Bu ilkin göndəriş müxtəlif tipli yüzlərlə İran dronunun idxalı planının bir hissəsidir. “Rusiya hərbçiləri bu sistemlərdən istifadə etməyi İranda oyrənir”.
Patel onu da əlavə edib ki, bu dronların çox zəif oldugu və çoxsaylı nasazlıqlar göstərdiyi barədə məlumatlar var.
“Rusiyanın İranla müttəfiqliyinin dərinləşməsi region və bütün dünya üçün ciddi təhdiddir”, - deyə o, region üçün təsirləri barədə Turanın sualına cavab verib. -0-
Siyasət
-
Ermənistan və Türkiyə Axurik-Akyaka dəmir yolu sərhəd keçidinin bərpası imkalarını nəzərdən keçirəcəklər, Ermənistan Xarici İşlər Nazirliyi iki ölkənin xüsusi nümayəndələri Ruben Rubinyan və Sərdar Kılıçın sərhəddə görüşünün yekunları barədə bildirib, "Sputnik-Armeniya" məlumat yayıb.
-
Keçmiş diplomat Emin İbrahimov 7 gündür ki, 1 saylı Şüvəlan İstintaq Təcridxanasında aclıq edir. Bu barədə Turan-a vəkil Bəhruz Bayramov iyulun 30-da onunla görüşdən sonra bildirib. Vəkil qeyd edib ki, İbrahimov 16 məhbusun, o cümlədən residivistlərdən olduğu kameradan ayrı kameraya köçürülüb.
-
Bakı Ağır Cinayətlər Məhkəməsində jurnalistlərin məhkəmə proseslərinə buraxılması dayandırılıb.
-
Azərbaycanın baş naziri İranın yeni seçilmiş prezidenti Məsud Pezeşkianın andiçmə mərasimində iştirak etmək üçün İrana gedib.
Rəy yaz