![İran Rusiyaya raket verərsə, ABŞ İrana sərt cavab verəcəyi barədə xəbərdarlıq edir](https://turan.az/resized/news/2024/DE2LMsEKmqkHEOawkdiAJPo0WCCo486TgNhorkq7-750-500-resize.webp)
İran Rusiyaya raket verərsə, ABŞ İrana sərt cavab verəcəyi barədə xəbərdarlıq edir
İran Rusiyaya raket verərsə, ABŞ İrana sərt cavab verəcəyi barədə xəbərdarlıq edir
Bazar ertəsi ABŞ Rusiyaya yüzlərlə ballistik raket daxil olmaqla, silah tədarükünə görə İrana ciddi nəticələr barədə xəbərdarlıq edib, Turan-ın Vaşinqton müxbiri bildirib.
“Ukraynaya qarşı təcavüzü davam etdirmək üçün İran ballistik raketləri Rusiyaya verməyə davam edərsə, biz çevik və ciddi cavab verməyə hazırıq", - brifinqdə Dövlət Departamentinin nümayəndəsi Vedant Patel deyib.
Əvvəllər İranın rəsmi şəxsləri Rusiyaya hər cür silah tədarükü ilə bağlı ittihamları rədd ediblər. Lakin Vaşinqton xatırladır ki, Rusiya Ukraynada mülki əhaliyə və mülki infrastruktura hücumlarda İranın pilotsuz uçuş aparatlarından istifadə edib. "Bu ikiüzlülükdür, İran rejiminin etibarlı olmaması barədə beynəlxalq birliyə son xatırlatmadır", - Patel deyib.
"İran prezidenti Pezeşkian öz kampaniyası zamanı bəyan edib ki, İranın siyasətini yumşaltmaq və beynəlxalq birliklə qarşılıqlı əlaqə qurmaq istəyir. Biz onun seçilməsinin İranın siyasətində köklü dəyişikliyə səbəb olacağını gözləmirik və qarşıdakı raket tədarükü İranın sabitliyi pozan davranışına daha bir sübutdur", - Patel qeyd edib.
"İran və Rusiya arasında dərinləşən tərəfdaşlıq inanılmaz narahatlıq doğurur. Bu, təkcə Avropa təhlükəsizliyinə təhdid deyil, həm də İranın Yaxın Şərq regionunda sabitlik pozucu təsiridir", -Patel Turan-ın Vaşinqton müxbirinə deyib.
-
- Dünyada
- 13 Avqust 2024 10:54
-
- İqtisadiyyat
- 13 Avqust 2024 10:57
Siyasət
-
ABŞ çərşənbə günü AXCP sədri Əli Kərimlinin Azərbaycanda təqib olunması ilə bağlı xəbərlərə münasibət bildirib.
-
Müsavat Partiyasının sədri İsa Qəmbər avqustun 14-də ATƏT-in Seçki Müşahidə Missiyasının rəhbəri Ditmir Buşati ilə görüşüb. Görüş Müsavat Partiyasının qərargahında keçirilib və sentyabrın 1-nə təyin olunan növbədənkənar parlament seçkiləri ilə bağlı müzakirələr aparılıb.
-
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
-
İnternet provayderləri arasında sui-istifadə hallarına qarşı araşdırmalara başlanılıb, bu barədə avqustun 14-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti məlumat yayıb.
Rəy yaz