İran və Azərbaycan XİN başçıları Qarabağ məsələsini müzakirə ediblər
Bakı/09.12.20/Turan: Tehranda İranın xarici işlər naziri Məhəmməd Cavad Zərif və onun azərbaycanlı həmkarı Ceyhun Bayramov arasında danışıqlar keçirilib. Bu barədə çərşənbə günü İran XİN-in rəsmi nümayəndəsi Səid Hatibzadə bildirib.
"Bu gün İran və Azərbaycanın xarici işlər nazirləri Tehranda Dağlıq Qarabağı, regional məsələləri və ikitərəfli münasibətləri müzakirə ediblər", - S.Hatibzadə Tvitter-də yazıb.
"İran işğal olunmuş ərazilərin azad edilməsini və müsbət qonşuluq siyasəti çərçivəsində əldə edilmiş nəticələri alqışlayır, həmçinin münaqişənin siyasi nizamlanmasını dəstəkləyir", - S.Hatibzadə qeyd edib.
Bundan öncə C.Bayramov İran pezidenti Həsən Ruhani ilə görüşüb. "İran İslam Respublikasının iradəsi Azərbaycan Respublikası ilə münasibətlərin əvvəlkindən daha da inkişaf etdirilməsinə yönəlib", - Ruhani Azərbaycan XİN rəhbəri ilə görüşündə deyib.—0—
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz