İranda “benzin etirazları” zamanı poliş işçisi həlak olub
Bakı/18.11.19/Turan: İranda iğtişaşlar üçüncü gündür ki, davam edir, yüzdən çox bank filialı alov içindədir, mindən çox adam saxlanılıb, bir polis əməkdaşı aldığı yaralardan ölüb. Hakimiyyət İnternetin işini məhdudlaşdırıb, “Alman dalğası” radiosu məlumat yayıb.
İranda benzinin qiymətinin artmasının və satış normasının səbəb olduğu iğtişaşlar zamanı bir polis əməkdaşı Kermanşah şəhərində polis məntəqəsinə hücumun qarşısını alarkən həlak olub, İRNA agentliyi məlumat yayıb.
Cümə günü başlayan və İranın bir neçə bölgəsini əhatə edən iğtişaşlar və polislə toqquşmalar zamanı hüquq-mühafizə orqanları 1000-dən çox adam saxlayıblar. Radikal əhval-ruhiyyəli mitinq iştirakçıları yüzdən çox bankı və bir neçə ticarət mərkəzini yandırıblar.
Bir neçə informasiya agentliyinin məlumatına görə, İran hakimiyyəti şənbədən bazar gününə keçən gecə İnternetə məhdudiyyətlər qoyub və bir çox yerdə şəbəkə əlçatmazdır ki, bu da etirazlar barədə məlumatın ötürülməsini çətinləşdirir.
Satışın normalaşdırılması, eyni zamanda benzinin qiymətinin artırılması ilə bağlı qərar davam edən iqtisadi böhran səbəbindən noyabrın 15-də hökumət tərəfindən qəbul edilib.
Hakimiyyət benzinin alışını ayda 12 avrosentə 60 litr həcmində məhdudlaşdırıb. Bu həcmdən yuxarı benzinin qiyməti keyfiyyətdən asılı olaraq 1 litrə görə 24-30 sent arasında olacaq. Bu, hazırda olduğundan demək olar ki, üç dəfə çoxdur.
Hakimiyyət etirazların xaricdən qaynaqlandığını bildirib və etirazçılar cəzalandırmaqla hədələyib. -02D-
-
- Siyasət
- 18 Noyabr 2019 16:54
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz