Prezident İlham Əliyev Naxçıvan hakimiyyətini gəlirlərin artırılması istiqamətində işlər aparmağa çağırıb

Bakı/18.11.19/Turan:  Naxçıvan Muxtar Respublikasının (NMR) büdcəsinin cəmi 22%-i yerli gəlirlər hesabına formalaşır, qalanı Bakıdan dotasiya verilir. Bu barədə prezident llham Əliyev NMR Ali Məclisinin rəhbəri Vasif Talıbov ilə görüşündə bildirib.

Əsasən NMR-in 383 mln. manat büdcəsindən cəmi 83 mln. manatı yerli gəlirlərdir, qalan 300 mln. manat Azərbaycanın dövlət bdcəsindən ayrılır. 

“Hesab edirəm ki, növbəti illərdə yerli gəlirlərin artırılması istiqamətində işlər aparılmalıdır ki, onların faiz nisbəti artsın. Əminəm, belə olan halda daha da böyük imkanlar olacaq ki, sosial və sənaye layihələri icra edilsin”, -İ.Əliyev bildirib.

Öz növbəsində V.Talıbov deyib ki, 2020-ci ilin büdcəsində yerli gəlirlər 100 mln. manata yaxındır. Pensiya və təqaüdlərin ödənilməsi üçün yerli büdcədə təqribən 100 mln. manata yaxın yığım nəzərdə tutulub.

V.Talıbov bir sıra infrastruktur layihələrinin reallaşması və NMR-də yerləşən Əlahiddə Ümumqoşun Ordusunun yeni mövqelərinin təchiz edilməsi barədə prezidentə məlumat verib.06D-