İranda paytaxtı köçürməyi düşünürlər

İranda paytaxtın Tehrandan başqa bir yerə köçürülməsi ehtimalı fəal şəkildə müzakirə olunur, xəbəri İrna agentliyi yayıb.

Bir müddət əvvəl, 2013-cü ilin dekabrında ölkə parlamenti 110 səs “lehinə” və 97 səs “əleyhinə” olmaqla, paytaxtın köçürülməsi haqqında akt qəbul edib. Amma həmin vaxtdan etibarən bu məsələdə heç bir irəliləyiş olmayıb.

İran DİN rəhbəri Abdolreza Rahmani Fazli jurnalistlərə bildirib ki, prezident Ruhani 20 ildir müzakirə olunan köçürmə ideyası ilə razıdır.

“Qanunvericilər paytaxtın Tehrandan başqa yerə köçürülməsi təklifini təsdiq etsələr də, layihənin maliyyə imkanları hələlik məlum deyil”, deyə Rahmani Fazli bildirib.

İranın Parlament məsələləri üzrə vitse-prezidenti Məcid Ənsari bu ideyanı “həyat qabiliyyəti olmayan” fikir adlandıraraq, ciddi maliyyə xərcləri olacağını qeyd edib və bütün dövlət müəssisələrinin və ticarət mərkəzlərinin İrandan köçürülməsinin mümkün olacağından şübhə etdiyini bildirib.

8,3 mln. nəfərə yaxın şəhərdə, 14 mln. nəfər də şəhər ətrafında əhalisi olan Tehran Orta Şərqdə ən böyük şəhərdir. -02В-