Фото из открытых источников
Bakı/20.03.20/Turan: İranla sərhəddə iki silahlı qaçaqmalçının Azərbaycan ərazisinə qanunsuz daxil olmaq cəhdinin qarşısı alınıb.
Dövlət Sərhəd Xidmətinin məlumatına görə, martın 19-da saat 22.20-da sərhəd dəstəsi Beyləqan rayonunun 2-ci Şahsevən kəndi yaxınlığında İran tərəfdən Azərbaycana qanunsuz keçmək cəhdini aşkar edib.
Sərhəd pozucuları “Dayan!” əmrinə tabe olmayıblar, havaya xəbərdarlıq atəşi açılıb.
Lakin sərhəd pozucuları sərhəd dəstəsinə cavab atəşi açıblar.
Sərhəd dəstəsi “Dövlət sərhəddi haqqında” Azərbaycan qanununun tələblərinə uyğun olaraq silah tətbiq edib və hər iki sərhəd pozucusunu zərərsizləşdirib. Onlardan birindən bir “Vinçester” markalı tüfəng, digərindən isə “Glock” markalı tapança və gecə görmə cihazı götürülüb.
Hadisə yerində iki kisədə ümumi çəkisi 61 kq. olan narkotik vasitə, əsasən heroin, tiryək və marixuana aşkar edilib.
1-ci Şahsevən kənd sakini Nicat Sabir oğlu Miriyev (1972-ci ildə anadan olub) və 2-ci Şahsevən kənd sakini Elşən Əli oğlu Məmmədov (1982-ci ildə anadan olub) şübhəli şəxs qismində saxlanılıblar.
Zəruri əməliyyat-istintaq tədbirləri həyata keçirilir.—06D-
Siyasət
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
-
1 saylı Bakı İstintaq Təcridxanasında saxlanılan Abzas Media nəşrinin jurnalisti Nərgiz Absalamova nəzarətçi tərəfindən zorakılığa məruz qalıb.
Rəy yaz