Çərşənbə günü saat 15:00-a yaxın mülki geyimli şəxslər tərəfindən saxlanmış keçmiş DİN rəhbəri İsgəndər Həmidov üç saat yarımdan sonra buraxılıb.
İ.Həmidov bildirib ki, onun gözlərini bağlayaraq DİN idarələrindən birinə aparıblar, lakin hansı olduğunu dəqiq bilmir. Orada İ.Həmidov mayın 28-də Novxanıda keçirilən mitinqdəki çıxışı ilə bağlı dindirilib və bir daha belə bəyanatlar verməməsi ilə bağlı ona xəbərdarlıq edilib.
Onun sözlərinə görə, buna cavab olaraq daha da kəskin çıxış edəcəyini bildirib.
İ.Həmidova qarşı hər hansı rəsmi ittiham irəli sürülməyib. Onun gözlərini yenidən bağlayaraq “Nərimanov” metro stansiyasının yaxınlığındakı parka aparıblar.--0--
***
Keçmiş DİN rəhbəri İsgəndər Həmidov bu gün saat 15.00 radələrində metronun “Nərimanov” stansiyası yaxınlığındakı parkda saxlanılıb və naməlum istiqamətə aparılıb. Həmidov saxlanılarkən açıq kafedə bir neçə nəfərlə çay içirdi. Mülki geyimli şəxslər onu yerə yıxıblar, əllərinə qandal taxıblar və naməlum istiqamətə aparıblar. Hücumçular polisdən olduqlarını bildiriblər. Bu barədə Turan-a həmin vaxt Həmidovla birlikdə olan Eldar Tağıyev bildirib.
Qeyd edək ki, dünən Novxanı qəsəbəsində müxalifətin mitinqində o, hazırki hakimiyyəti tənqidə məruz qoyaraq, onu “şərəfsiz və əxlaqsız” adlandırıb. Həmidov həmçinin müxalifəti radikal addımlar atmağa çağırıb, belə ki, hazırki rejimin dinc yolla dəyişdirilməsi qeyri-mümkündür.
DİN-in mətbuat xidmətindən Həmidovun saxlanılması ilə bağlı heç bir şərh verməyərək, bu barədə məlumatları olmadığını bildiriblər. -16B06-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz