![İslam Partiyası Mövsüm Səmədovun səhhətindən narahatdır](https://turan.az/resized/750/500/resize/media/2013/main/070200041208.jpg)
İslam Partiyası Mövsüm Səmədovun səhhətindən narahatdır
Azərbaycan İslam Partiyası (AİP) qurumun həbsdə olan sədri Mövsum Səmədovun səhhətindən narahatlığını bildirib.
AİP-in Turan-a daxil olan bəyanatında deyilir ki, iyunun 27-də saat 18:00 radələrində AİP-ə M.Səmədovun səhhətində dəyişikliyin baş verməsi ilə əlaqədar anonim məlumat daxil olub.
Xidmətin 11 saylı cəzaçəkmə müəssisəsi isə M. Səmədovun səhhətində heç bir dəyişikliyin olmaması barədə məlumat versə də görüş üçün heç bir şərait yaradılmayıb.
Qurum vəkil Anar Qasımovun AİP sədri ilə görüşə icazə verilməməsini süni maneə kimi qiymətləndirib.
AİP hesab edir ki hakimiyyət islamçılara qarşı münasibətdə buraxdığı səhvi aradan qaldırmaq əvəzinə problemi daha da dərinləşdirir.
“AİP bütün bunların bir səbəbini də qurumun Baş Məclisində Mövsüm Səmədovun prezidentliyə irəli sürülməsinin hakimiyyətdə yaratdığı vahimə və narahatlığın nəticəsi kimi qiymətləndirir”, - bəyanatda deyilir.
M.Səmədov 2011-ci ilin yanvarında həbs olunub. O, hakimiyyəti zorla ələ keçirməyə cəhddə təqsirli bilinərək 12 il müddətinə azadlıqdan məhrum edilib.-16D-
-
- Cəmiyyət
- 2 İyul 2013 15:21
-
- İqtisadiyyat
- 2 İyul 2013 15:29
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz