![İslamçıların hüquqlarını Müdafiə Komitəsi 20 dindarın saxlanmasına etiraz edir](https://turan.az/resized/media/2013/main/102800055391-750-500-resize.webp)
İslamçıların hüquqlarını Müdafiə Komitəsi 20 dindarın saxlanmasına etiraz edir
Bazar ertəsi ilahiyyatçı Taleh Bağırzadəyə ictimai dəstək vermək üçün Sabunçu Rayon Məhkəməsinə gələn 20-yə yaxın dindar polis tərəfindən saxlanılıb. Bu barədə islamçıların hüquqlarını Müdafiə Komitəsi məlumat verib. Məhkəmə prosesi açıq olsa da iştirak etmək istəyənlər polis və ədliyyə əməkdaşlarının təzyiqlərinə məruz qalıblar. Onlar rezin dəyənəklərlə döyülüblər, təhqir olunublar. Sözügedən hüquq- müdafiə qurumu saxlananların azad olunmasını və günahkarların cəzalandırlmasını tələb edib.
Öz növbəsində DİN mətbuat xidməti bildirib ki, T.Bağırzadənin tərəfdarları məhkəmə zalında müxtəlif şüarlar səsləndiriblər, məhkəmənin normal fəaliyyətini pozmağa cəhd göstəriblər.
Bundan əlavə, DİN-in məlumatına görə, dindarlar Ədliyyə Nazirliyinin və polis əməkdaşlarının tələblərinə məhəl qoymayaraq xuluqanlıq hərəkətləri törədiblər, hüquq-mühafizə orqanlarının əməkdaşlarına müqavimət göstəriblər, onların bəzisinə bədən xəsarətləri yetiriblər. Hüquqazidd hərəkətlər törədən bir neçə nəfər saxlanılıb. Prokurorluq fakt üzrə araşdırma aparır. Araşdırmanın nəticələrindən asılı olaraq məsələyə hüquqi qiymət veriləcək.
Axşama qədər dindarların saxlandığı yer məlum olmayıb.
Qeyd edək ki, polis və Ədliyyə Nazirliyinin əməkdaşları məhkəmə binasında və onun ətrafında çəkiliş aparan jurnalistlərə qarşı kobud davranıblar.
T.Bağırzadə martın 31-də saxlanılıb. İki gündən sonra Sabunçu məhkəməsi onu narkotik maddə saxlamaq ittihamı (234.1-ci maddə) ilə həbs edib.
Müttəhim ittihamı rədd edərək bildirib ki, həbsin əsl səbəbi martın 24-də hakimiyyətin ünvanına kəskin tənqid söyləməsidir. T.Bağırzadə “vicdan məhbusu” kimi tanınıb.-06D--
-
- Cəmiyyət
- 28 Oktyabr 2013 18:30
-
- İqtisadiyyat
- 29 Oktyabr 2013 11:17
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz