İsmayıllı hadisələri üzrə məhkəmə dinləmələri gələn həftəyə keçirilib (YENİLƏNİB)

Yanvarın 29-da Şəki Ağır Cinayətlər Məhkəməsində İsmayıllı hadisələri üzrə növbəti iclas baş tutmayıb. Buna bəzi müttəhimlərin vəkillərinin gəlməməsi səbəb olub.

Məhkəmə dinləmələri gələn həftə fevralın 1-3-də keçiriləcək.

2013-cü il yanvarın 23-də “Çıraq” otelinin sərxoş işçiləri yerli sakinin avtomobilinə ziyan vurublar, sonra bütün İsmayıllı camaatını təhqir ediblər. Bu, yerli sakinlərin qəzəbinə səbəb olub, onlar oteli dağıdaraq yandırıblar. İğtişaşlar yanvarın 24-də daxili qoşunların gəlişindən sonra yatırılıb. 18 nəfər həbs olunub.

İlqar Məmmədov, Tofiq Yaqublu və digər 16 müttəhim 220.1 (kütləvi iğtişaşların təşkili və iştirak), 315.2 (hakimiyyət nümayəndələrinə müqavimət göstərmək) maddələri ilə təqsirli bilinirlər.

İsmayıllı hadisələri üzrə məhkəmə 2013-cü il noyabrın 4-də başlayıb.

Amnesty International İ.Məmmədov və T.Yaqublunu “vicdan məhbusu” kimi tanıyıb.—06D--

2014 Yanvar 28 (Çərşənbə axşamı) 18:44:47

“İsmayıllı hadisələri”lə bağlı Şəki Ağır Cinayətlər üzrə Məhkəməsindəki prosesdə çərşənbə axşamı şahidlərin dindirilməsi davam edib.  

Jurnalistlər Elşən Balaxanski (“Yeni Müsavat” qəzeti) və Ramin Deko (“Azadlıq” qəzeti) 2013-cü il yanvarın 23-dən İsmayıllıda olduqlarını deyiblər. Onlar mühakimə edilən İlqar Məmmədovu və Tofiq Yaqublunu yanvarın 24-də gördüklərini, amma hüquqazidd hərəkətlərə yol vermədiklərini deyiblər.

Müttəhim İ.Məmmədovun vəkili jurnalist İdrak Abbasın həmin hadisələr zamanı rayonda olduğunu bütün prosesləri lentə aldığını bildirərək məhkəmədə ifadə verməsi vəsatəti qaldırıb, amma hakim və prokuror vəsatəti təmin etməyib.

Daha sonra İsmayıllı rayon sakini olan üç şəxs ifadə verib. Onlar da müttəhimlərin qanunazidd hərəkətlərə yol vermədiyini bildiriblər.

Məhkəmə prosesi yanvarın 29-na kimi təxirə salınıb. -05B-

2014 Yanvar 28 (Çərşənbə axşamı) 14:03:54

Şəki Ağır Cinayətlər Məhkəməsində İsmayıllı hadisələri üzrə proses davam edir. 

İş üzrə məhkəmə qarşısında 18 nəfər, o cümlədən REAL hərəkatının rəhbəri İlqar Məmmədov və Müsavat Partiyası sədrinin müavini Tofiq Yaqublu dayanıb.

Yanvarın 28-də günün birinci yarısında İsmayıllı rayon sakinlərindən ibarət 7 şahid çıxış edib.

Onlar ilkin istintaq zamanı verdikləri ifadələrdən imtina edərək bildiriblər ki, onlara təzyiq göstərilib. Şahidlər müttəhimlər kürsüsündə əyləşənləri iğtişaş iştirakçılarının arasında görmədiklərini söyləyiblər.

Həmçinin REAL hərəkatının Məclis sədri Erkin Qədirli və Marşal Fondunun nümayəndəsi Mehriban Rəhimli dindirilib. Onlar bildiriblər ki, İlqar Məmmədov vəziyyətlə yerində tanış olmaq üçün İsmayıllıya gedib. İ.Məmmədov İsmayıllıda olarkən hər iki şahidlə telefonla danışıb və baş verənlər barədə onlara məlumat verib.

2013-cü il yanvarın 23-də “Çıraq” otelinin sərxoş işçiləri yerli sakinin avtomobilinə ziyan vurublar, sonra bütün İsmayıllı camaatını təhqir ediblər. Bu, yerli sakinlərin qəzəbinə səbəb olub, onlar oteli dağıdaraq yandırıblar. İğtişaşlar yanvarın 24-də daxili qoşunların gəlişindən sonra yatırılıb. 18 nəfər həbs olunub.

İlqar Məmmədov, Tofiq Yaqublu və digər 16 müttəhim 220.1 (kütləvi iğtişaşların təşkili və iştirak), 315.2 (hakimiyyət nümayəndələrinə müqavimət göstərmək) maddələri ilə təqsirli bilinirlər.

İsmayıllı hadisələri üzrə məhkəmə 2013-cü il noyabrın 4-də başlayıb. -05B-

2014 Yanvar 27 (Bazar ertəsi) 19:02:02

İsmayıllı hadisələri ilə bağlı Ağır Cinayətər üzrə Şəki Məhkəməsində şahidlərin dindirilməsi günortadan sonrakı prosesdə də davam edib.

Günortadan sonra İvanovka kəndinin sakini və daha üç polis dindirilib. Kənd sakini Ruslan Rudenko bu hadisələrdə ittiham edilən jurnalist Tofiq Yaqublu və REAL Hərəkatının lideri İlqar Məmmədovun üzünə duraraq bu şəxsləri əhalini icra hakimiyyəti binasına, polislərə daş atmağa həvəsləndirməkdə ittiham edib. İttiham edilənlər şahidin yalan danışdığını desələr də, hakim və prokuror onu ifadəsini dayandırmağa dəvət etməyiblər. Həm də bu şəxsin ibtidai istintaqa verdiyi ifadə ilə indiki ifadəsi arasında ziddiyyətlər olub.

Polislərə gəlincə, polis nəfəri Əhməd Hacıyev təqsirləndirilən şəxsləri hadisə yerində görmədiyini deyib. Qalan iki polis nəfəri isə əksinə, hər iki şəxsi hadisə yerində gördüklərini iddia ediblər. -05B-    

2014 Yanvar 27 (Bazar ertəsi) 14:05:23

Bazar ertəsi Şəki Ağır Cinayətlər Məhkəməsində  İsmayıllı hadisələri ilə bağlı proses davam edib.

Vəkil Nemət Kərimli müdafiə etdiyi müttəhim Tofiq Yaqublunun barəsində gəbs qətimkan tədbirinin dəyişdirilməsi ilə bağlı vəsatət qaldırıb. Buna səbəb kimi T.Yaqublunun xanımının yol qəzası keçirdiyini göstərib. Amma məhkəmə vəsatəti təmin etməyib.

Daha sonra şahidlərin dindirilməsi başlanıb. Günün birinci yarısında İsmayıllı rayon sakinləri olan 11 şahid dindirilib. Onlardan heç biri müttəhimlərin əleyhinə ifadə verməyib.

Məhkəmədə hadisələr baş verən zaman İsmayıllı Rayon İcra Hakimiyyəti sosial-iqtisadi şöbəsinin müdiri, icra başçısının birinci müavini vəzifəsində çalışan Rövşən Ağayev də müttəhimlərlə bağlı heç nə deməyib.

Rayon sakini Şamil Nuriyev məhkəmədə ibtidai istintaq zamanı verdiyi ifadəsindən imtina edib. Həmin ifadəni əməliyyatçılıarn və rayon polis şöbəsinin rəis müavininin təzyiqləri və işgəncələri altında verdiyini deyib. O əlavə edib ki, bu ifadəni ondan ala bilmək üçün iki gün zirzəmidə saxlanılıb, dəhşətli işgəncələrə məruz qalıb.

Xatırladaq ki, 2013-cü yanvarın 25-da İsmayıllıda icra başçısının yaxınlarının xalqa sayğısız münasibəti üzündən toqquşma və hüquqdankənar hadisələr baş verib. Bu hadisələrdən bir neçə gün sonra  vəziyyəti yerində öyrənmək üçün rayona gedən REAL sədri İlqar Məmmədov və “Yeni Müqsavat” qəzetinin nüxbiri Tofiq Yaqublu günahkar bilinərək həbsə alınıblar. Hazırda onlar və digərlərinin məhkəmə prosesi davam edir. -05B-