İsmayıllı polisində jurnalistdən tələb olunub ki, hakimiyyətin tənqidinə son qoysun
Ötən gün İsmayıllıda saxlanılan jurnalist Elçin İsmayıllı bu gün məhkəmə zalından buraxılıb. Ona xəbərdarlıq edilib.
O, Turan-ın müxbirilə söhbətində bildirib ki, dünən axşam evə gedərkən saxlanılıb. Onu üç polis işçisi saxlayıb və bildirib ki, o, ünvansız söyüş söyüb.
Bu gün zalda polislər qarışıq və ziddiyyətli ifadələr veriblər. Onlar bildiriblər ki, Elçin sərxoş olub və polisdə qapını sındırmağa cəhd göstərib.
“Bu, cəfəngiyyatdır, çünki yalın əllə dəmir qapını sındırmaq mümkün deyil, hətta cəhd göstərsən belə əlində və ya bədənində hər hansı fiziki xəsarət olmalıdır”, - jurnalist bildirib.
Sonda hakim Azad Quliyev jurnalistə xəbərdarlıq edilməsilə kifayətlənib.
Jurnalistin sözlərinə görə, əslində onu peşə fəaliyyətilə əlaqədar saxlayıblar. Polisdə ondan tələb olunub ki, İsmayıllı rayonu haqqında tənqidi məqalələrə son qoysun, cünki bu, “dövlətçiliyin əleyhinədir”.
Əsasən İnternetdə yayımlanan “Azərbaycan saatı” teleproqramında materiallar narahatlıq doğurub. Jurnalistdən tələb olunub ki, proqramın rəhbəri Qənimət Zahidovla (siyasi mühacirətdədir) əlaqəni kəssin və Eynulla Fətullayevdən nümunə götürsün.
Həmçinin jurnalist cumhuriyyet.az saytında “İsmayıllıda monitorinqin nəticələri” məqaləsinin dərcində ittiham edilib. Məqalədə əhalinin yoxsul vəziyyətindən, insanların mağazalardan lazımi şeyləri ala bilməməsindən danışılır. Bu səbəbdən bütün mağazalarda vətəndaşlar ərzağı borca alırlar.
Polislər tələb ediblər ki, o, Avropa Oyunlarına qədər sussun və “Azadlıq” qəzetində məqalələr dərc etdirməsin.06B-
-
- İqtisadiyyat
- 3 İyun 2015 14:48
-
- İqtisadiyyat
- 3 İyun 2015 15:55
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz