Tbilisi/31.10.13/Turan-BS PRESS: İsrail hökuməti Gürcüstanla vizasız rejimin tətbiqi barədə qərar qəbul edib. Bu barədə cümə axşamı İsrailin xarici işlər naziri Zeev Elkin bildirib.
Z.Elkin Gürcüstana rəsmi səfərə gəlib və XİN rəhbəri Maya Pancikidze ilə görüşüb.
“Qərar (viza rejiminin ləğvi) qəbul olunub və İsrail Daxili Nazirliyi bu barədə Gürcüstanın daxili işlər nazirinə məlumat verib. Mən bu məsələ ilə bağlı rəsmi danışıqlara başlanması barədə göstəriş vermişəm”, - Elkin bildirib.
“Biz Gürcüstanı dost ölkə və mühüm tərəfdaş kimi qəbul edirik. Bizim yaxşı münasibətlərimiz var. Baş nazirin səfərindən sonra biz bir çox sahələrdə münasibətləri inkişaf etdiririk və təbii ki, paralel olaraq vizasız rejim də olmalıdır. Ümid edirik ki, tezliklə texniki məsələlər həll olunacaq və biz Gürcüstanla İsrail arasında vizasız rejim barədə sazişi hazırlayacağıq”, - Elkin vurğulayıb.
Gürcüstanda İsrail vətəndaşları üçün vizasız rejim fəaliyyət göstərir.
Gürcüstan Avropa İttifaqı ölkələri və ABŞ üçün vizanı ləğv edib. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz