İsrailin baş nazirinin səfəri başlayıb (YENİLƏNİB)

İsrailin baş naziri Binyamin Netanyahu saat 13:40-a yaxın Bakıya gəlib.

Hava limanında onu baş nazirin müavini Əli Əhmədov qarşılayıb.-0-

2016 Dekabr 13 (Çərşənbə axşamı) 12:41:17

İsrailin baş naziri Binyamin Netanyahu və xanımı Sara Netanyahu dekabrın 13-14-də Azərbaycan və Qazaxıstanda olacaq. Səfərdə məqsəd diplomatik əlaqələrin inkişafıdır. Görüşlərdə regional, iqtisadi, diplomatik, həmçinin təhlükəsizlik məsələləri müzakirə olunacaq, İsrail hökumət rəhbərinin saytı məlumat verib.

Çərşənbə axşamı B.Netanyahu Azərbaycan prezidenti İlham Əliyevlə görüşəcək. Görüşün yekunlarına əsasən Qüds məsələləri və milli irs, ətraf mühutin mühafizəsi naziri Elkin Zeyev standartlaşdırma, ikiqat vergi və kənd təsərrüfatı sahəsində əməkdaşlığa dair saziş imzalayacaq.

İsrailin baş naziri Şəhidlər Xiyabanına gedəcək və xatirə kompleksinin önünə əklil qoyacaq.

B.Netanyahu təhsil naziri Mikayıl Cabbarovla birlikdə “Or avner” yəhudi icmasının təhsil kompleksində olacaq, yerli yəhudi icmasının nümayəndələri ilə görüşəcək. 

Dekabrın 14-də İsrail hökumətinin başçısı Qazaxıstana gedəcək.

B.Netanyahunun prezident İ.Əliyevlə görüşü dövlət başçısının Zaqulbadakı iqamətgahında olacaq.

1997-ci ilin avqustunda Netanyahu Seuldan Qüdsə gedərək qısa müddətə Bakıda olub və mərhum  prezident Heydər Əliyevlə də orada görüşüb.

İsrailin baş naziri Bakıya avqustun 29-u saat 4:00-da gəlib və saat 9:00-da Vətənə yola düşüb.

Danışıqlar zamanı energetika, yüksək texnologiyalar sahəsində əməkdaşlıq məsələləri müzakirə edilib.—016D--