Bayramov və Mirzoyan sülhün tezliklə başa çatması üçün danışıqları sürətləndirmək barədə razılığa gəliblər - XİN (yenilənib)
Cümə günü axşam Azərbaycan Xarici İşlər Nazirliyi İstanbulda keçirilən görüşün yekunlarına dair qısa məlumat yayıb.
«18 oktyabr 2024-cü il tarixində Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyan arasında İstanbulda "3+3" regional məşvərət platforması çərçivəsində görüş keçirilib. Tərəflər Sülh və Dövlətlərarası Münasibətlərin Qurulması haqqında Saziş ilə bağlı danışıqları davam etdirib, ən qısa zaman ərzində onun yekunlaşdırılması və bağlanması üçün daha çox səy göstərmək istiqamətində razılıq əldə ediblər», - məlumatda deyilir.
* * *
2024-10-18 20:34
İstanbulda Azərbaycan və Ermənistan xarici işlər nazirlərinin görüşü keçirilib
Cümə günü İstanbulda Azərbaycanın xarici işlər naziri Ceyhun Bayramov və Ermənistan xaeici işləziri Ararat Mirzoyan arasında görüş keçirilib. Türkiyə mətbuatı xəbər verir ki, görüş bir saat davam edib. Görüşdən sonra heç bir açıqlama verilməyib.
Nazirlər oktyabrın 18-də başa çatan “3+3” regional əməkdaşlıq platformasının iclasında iştirak etmək üçün Türkiyədədirlər.
Görüşdən sonra Rusiyanın xarici işlər naziri Sergey Lavrov bildirib ki, görüş zamanı Rusiya, İran və Türkiyə Ermənistan və Azərbaycana sülh müqaviləsi üzərində işi başa çatdırmaq üçün “3+3” platformasından istifadə etməyi təklif ediblər.
Siyasət
-
Rusiya prezidenti Vladimir Putin BMT-nin noyabrda Bakıda keçiriləcək COP29 iqlim konfransında iştirak etmək üçün Bakıya gəlməyəcək. Bu barədə BBC-yə Azərbaycan hökumətindəki mənbə məlumat verib.
-
Oktyabrın 18-də Türkiyə prezidenti Rəcəb Tayyib Ərdoğan İstanbuldakı iqamətgahında 3+3 regional platformasının iclasında iştirak etmək üçün Türkiyədə səfərdə olan Rusiya, Azərbaycan, Ermənistan və İranın xarici işlər nazirlərini qəbul edib.
-
Alman-Azərbaycan Ticarət Palatası (AHK Azərbaycan) qarşıdan gələn BMT-nin 29-cu İqlim Dəyişikliyi Konfransı (COP29) üçün hazırlıqları sürətləndirmək məqsədilə tədbirlər seriyasına start verdi. "Yenilik Et, Əməkdaşlıq Et, Dəyişdir – Dayanıqlı Sabahı Qur" mövzulu tədbirdə AHK Azərbaycan üzv şirkətləri və tərəfdaşlarından 70-dən çox nümayəndə iştirak edərək, ölkənin yaşıl enerji sahəsində əldə etdiyi nailiyyətlər və dayanıqlı inkişaf hədəfləri müzakirə edildi.
-
Regional fəaliyyət və dialoq xarici qüvvələrin regionda öz təhlükəli proqramlarını genişləndirməsi, o cümlədən militarizasiya, geosiyasi eskalasiya və Cənubi Qafqaz bölgəsində ayırıcı xətlərin proyeksiyasını fonunda daha da vacib hala gəlir. Bu barədə Azərbaycan Xarici İşlər Nazirliyinin rəhbəri Ceyhun Bayramov cümə günü İstanbulda Türkiyə, İran, Rusiya, Azərbaycan və Ermənistan xarici işlər nazirlərinin birgə iclasında bildirib.
Rəy yaz