İstintaq təcridxanasında jurnalist Şamo Eminovun vəziyyəti pisləşib
İstintaq təcridxanasında jurnalist Şamo Eminovun vəziyyəti pisləşib
İstintaq təcridxanasında “Kanal-13” İnternet-TV-nin əməkdaşı Şamo Eminovun vəziyyəti pisləşib, jurnalistin xanımı Dürdanə Eminova martın 27-də təcridxanada onunla görüşdən sonra bildirib.
"Şamonun gözləri qızarmışdı, əlləri əsirdi. Soruşdum ki, nə olub? Dedi ki, günahsız olduğu halda həbsdə qalmasına dözə bilmir və intihar etmək istəyir", - Eminova deyib.
Bundan əlavə, jurnalistin qaraciyər və mədəsilə bağlı ciddi problemləri var. Bir neçə gün əvvəl ağzından qan gəlib. Xanımı Şamonun ən azı bir müddət tibb müəssisəsinə köçürülməsi üçün müvafiq orqanlara müraciət edib.
Bundan öncə Dürdanə Eminova Şamonun əsassız həbsilə bağlı ombudsmana müraciət edib, həmçinin ölkə prezidentinə müraciət etmək niyyətindədir.
* “Kanal-13” ilə əməkdaşlıq edən jurnalist-frilanser Şamo Eminov 22 dekabr 2023-cü ildə saxlanılıb. Məhkəmə onu "qabaqcadan əlbir olan bir qrup şəxs tərəfindən xarici valyuta qaçaqmalçılığı” (Azərbaycan Cinayət Məcəlləsinin 206.3.2-ci maddəsi) ittihamı ilə üç ay müddətinə həbs edib
Bundan əvvəl, 27 noyabr 2023-cü ildə “Kanal-13”ün rəhbəri Əziz Orucov eyni ittihamla həbs edilib.
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz