![Jan Klod Minyon: Azərbaycan AŞ qarşısında öhdəliklər götürüb və onları yerinə yetirməlidir](https://turan.az/resized/750/500/resize/media/2014/main/012700066968.jpg)
Jan Klod Minyon: Azərbaycan AŞ qarşısında öhdəliklər götürüb və onları yerinə yetirməlidir
Bu ilin may-noyabr aylarında Azərbaycanın Avropa Şurası Nazirlər Komitəsinə sədrliyi ilə Dağlıq Qarabağ münaqişənin həlli üçün prioritetlərin müəyyən edilməsi üçün yaxşı fürsət yaranacaq.
Turan-ın Strasburqdakı xüsusi müxbirinin verdiyi məlumata görə, bu barədə yanvarın 27-də AŞPA-nın qış sessiyasının açılışından əvvəl keçirilən mətbuat konfransında assambleyanın sədri Jan-Klod Minyon bildirib.
Bununla belə, Minyon Azərbaycan və Ermənistan qoşunlarının təmas xəttində son vaxtlar baş verən gərginlikdən narahat olduğunu bildirib.
Bu zaman o, ATƏT-in Minsk qrupunun səylərinə dəstək ifadə edib.
Minyon həmçinin Ermənistanı və Azərbaycanı 50 il əvvəl iki ölkənin düşmənliyinə son qoyan və onları müttəfiqə çevirən Yelisey müqaviləsini imzalayan Almaniya və Fransanı nümunə götürməyə çağırıb.
Bununla belə, Minyon qeyd edib ki, Avropa Şurasnın baş katibi seçilərsə, Qarabağ tənzimlənməsi onun prioritetlərindən biri olacaq.
Eyni zamanda, Minyon bu qədər çox sayda siyasi məhbusu olduğu halda, Azərbaycanın AŞ Nazirlər Komitəsinə sədrlik edə biləcəyi ilə bağlı suala qeyri-müəyyən cavab verib.
“Bu suala bir neçə dəqiqə ərzində cavab vermək mümkün deyil”, deyən Minyon əlavə edib ki, Azərbaycan AŞ qarşısında öhdəliklər götürüb və onları yerinə yetirməlidir. -16D06-
-
- Siyasət
- 27 Yanvar 2014 16:59
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz