![JMK Xədicə İsmayılovanın azad edilməsini tələb edib](https://turan.az/resized/media/2015/main/082200127072-750-500-resize.webp)
JMK Xədicə İsmayılovanın azad edilməsini tələb edib
Nyu-Yorkda yerləşən Jurnalistləri Müdafiə Komitəsi (JMK) Azərbaycanda prokurorun jurnalist Xədicə İsmayılovanın 9 il azadlıqdan məhrumetmə cəzasına məhkum edilməsi haqqında təklifini pisləyib.
JMK İsmayılova üzərində prosesi “ədalətli mühakimə məzhəkəsi” adlandırıb.
Təşkilat Azərbaycan hökumətini İsmayılovaya qarşı bütün ittihamları ləğv etməyə çağırıb.
“Biz Azərbaycanın beynəxalq tərəfdaşlarını bu repressiv ölkə ilə münasibətlərini Xədicə İsmayılovanın və bütün digər həbs edilmiş jurnalistlərin azad edilməsi ilə şərtləndirməyə çağırırıq”, deyə JMK-nin Avropa və Mərkəzi Asiya üzrə proqram koordinatoru bildirib.
Xatırladaq ki, İsmayılova CM-in 125 (özünü öldürmə həddinə çatdırma), 179.3.2 (böyük ölçüdə mənimsəmə və israf), 192.2.2 (böyük gəlir əldə etməklə qanunsuz sahibkarlıqla məşğul olma), 213.1 (vergi ödənişindən yayınma) və 308.2-ci (vəzifə səlahiyyətlərindən sui istifadə, ağır nəticələrə səbəb olduqda) maddələri ilə ittiham olunur.
İsmayılova ittihamları təkzib edir və siyasi motivli hesab edir.
Amnesty İnternational jurnalisti “vicdan məhbusu” kimi tanıyıb. ABŞ, Aİ nümayəndələri, beynəlxalq jurnalist və hüquq müdafiə təşkilatları dəfələrlə onun azad edilməsinə çağırıblar. -06D-
-
- İqtisadiyyat
- 22 Avqust 2015 13:04
-
- Cəmiyyət
- 22 Avqust 2015 14:21
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz