Fransa Azərbaycanda həbs edilmiş fəalların taleyinə biganə qalmır və bu məsələlər iki ölkə liderlərinin siyasi əlaqələri zamanı daim qaldırılır. Bu barədə Fransanın Bakıdakı səfiri Paskal Monye Parisin Azərbaycanda siyasi məhbuslar məsələsinə, xüsusən Fəxri Legion Orderi Kavaleri, hüquq müdafiəçisi Leyla Yunusun və bu gün ad gününü qeyd edən jurnalist Xədicə İsmayılovanın həbsinə münasibəti haqqında suala cavabda bildirib.
“Bu şəxslər (Yunus və İsmayılova) təxminən iki il əvvəl Fransa prezidenti Fransua Ollandla görüş üçün bu səfirliyə dəvət edilmişdi”, deyə səfir mayın 27-də jurnalistlərlə söhbətində bildirib.
Onun sözlərinə görə, yüksək səviyyədə birbaşa danışıqlarda Fransa tərəfi bu məsələləri qaldırır və bunu ictimai bəyanatlardan daha səmərəli hesab edir.
“Azərbaycan müxtəlif tədbirlər keçirir və özünə diqqət çəkmək istəyir. Hesab edirəm ki, bu, ölkənin imicinin yaxşılaşdırılması məqsədilə edilir. Özünə diqqət çəkmək istəyənlər hər cəhətdən daha yaxşı olmağa çalışmalıdırlar.
Hesab edirəm ki, hökumət bizim dostcasına fikirlərimizi eşidir”, deyə səfir bildirib.
O, bu gün Cümhuriyyət Günü ilə əlaqədar təntənəli mərasimdə prezident Əliyevin Azərbaycanın demokratiya sahəsində öhdəliklərinə sadiq olduğunu bəyan etməsi ilə bağlı nikbinliyini ifadə edib. -06D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz