Məhkəmə Fərid İsmayılovu həbs edib (yenilənib)

Vəkil Zibeydə Sadıqova bildirib ki, Xətai Rayon Məhkəməsi Fərid İsmayılov barəsində 2 ay 20 gün - aprelin 6-dək həbs qətimkan tədbiri seçib.

İstintaq İsmayılovun həbsini ittihamın ağırlaşdırırılması və jurnalistin  polis nəzarəti qətimkan tədbirinin şərtlərinə əməl etməməsi əsaslandırıb. Onun guya polisə xəbər vermədən rayonlara  getdiyi iddia edilir.

Lakin İsmayılov bunun doğru olmadığını, mütəmadi olaraq polisə gedib qeydiyyatdan keşdiyini deyib. O, heç bir təqsirinin  olmadığını bildirib. Bundan əlavə, onun səhhətində problemlər var.

2023-cü ildə onun  üç dəfə ağ ciyərlərində  əməliyyat keçirilib.

Lakin məhkəmə istintaqın vəsatətini təmin edib

Vəkil bildirib ki, müdafiə tərəfi məhkəmənin qərarından apellyasiya şikayəti verəcək.

* * *

2025-01-17 16:44

Jurnalist Fərid İsmayılov saxlanılıb

oplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.

Onun barəsində qətimkan tədbirinin həbs ilə əvəz olunacağı istisna deyil. Qeyd edək ki, son iki gündür Toplum TV-nin işi üzrə həbs edilmiş jurnalistlərə və fəallara qarşı yeni, daha ağır ittihamlar irəli sürülüb.