Jurnalist Nərgiz Absalamova saxlanılıb?
Daxili işlər Nazirliyinin Mətbuat xidmətinin əməkdaşı İbrahim Əmiraslanlı Turana deyib ki, Nərgiz Absalamova saxlanılıb, araşdırma aparılır.
* * *
Jurnalist Nərgiz Absalamova saxlanılıb?
Bakı/30.11.23/Turan: Abzas Media onlayn nəşri ilə əməkdaşlıq edən Nərgiz Absalamova bu gün saat 15.00-da Bakı Şəhər Baş Polis İdarəsinə çağırılıb. O, binaya daxil olduqdan bir müddət sonra həmkarları onun idarədən aparıldığını görüblər. Onlar hesab edirlər ki, Absalamova saxlanılıb və müvəqqəti saxlama təcridxanasına yerləşdirilmək üçün Xətai Rayon Polis İdarəsinə aparılıb.
Absalamovanın vəkili yox idi.
DİN-in mətbuat xidmətindən Absalamovanın saxlanılması haqqında məlumatla bağlı şərh almaq mümkün olmayıb.
20-21 noyabr tarixlərində Abzas Media-nın direktoru, direktor müavini və baş redaktoru - Ülvi Həsənli, Məhəmməd Kekalov və Sevinc Vaqifqızı saxlanılıblar. Onlara qarşı xarici valyuta qaçaqmalçılığı ittihamı irəli sürülüb. Onlar hamısı istintaq müddətində 4 aylıq həbsə məhkum edilib. 06В
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz