Jurnalist Rasim Əliyevin ölüm işi üzrə şikayət AİHM-ə göndərilib

Jurnalist Rasim Əliyevin ölüm işi üzrə şikayət Avropa İnsan Hüquqları Məhkəməsinə (AİHM) göndərilib. Bu barədə  Turan-a jurnalistin ailəsinin vəkili Fariz Namazlı bildirib.

Ailə xəstəxana həkiminin cəzalandırılmamasından və onun döyülməsinə görə futbolçu Cavid Hüsynovun məsuliyyətə cəlb olunmamasından narazıdır.

Vəkilin sözlərinə görə, müdafiə tərəfi Şəhər Kliniki Mərkəzin həkimlərinin məsuliyyətə cəlb edilməsi barədə vəsatət qaldırıb. Belə ki, həkimlərin səhlənkarlığı səbəbindən R.Əliyev vaxtında əməliyyat edilməyib. Jurnalistə hücumun təşkilatçısı kimi C.Hüseynovu ancaq hazırlanan cinayət barədə məlumat verməməyə görə həbs edib. O, yüngül cəzalandırılıb və tezliklə azad edilib.

Şikayətdə R.Əliyevin Avropa Konvensiyasının 2 (yaşamaq hüququ), 10 (ifadə azadlığı)  və 13-cü  (hüququ müdafiədən effektiv istifadə)   maddələrilə zəmanət verilmiş hüquqlarının pozulması məsələsi qoyulur.

Rasim Əliyev 2015-ci il avqustun 8-də amansızcasına döyülüb və növbəti gün xəstəxanada ölüb. İş üzrə futbolçu Cavid Qurbanov da daxil olmaqla, 6 nəfər keçir. Ancaq sonradan onun işi ayrıca icraata götürülüb və ayrıca baxılıb.

Mayın 31-də Səbayel Rayon Məhkəməsi C.Hüseynovu CM-in (ağır və ya xüsusilə ağır cinayətlərin hazırlanması barədə xəbər verməmə) və 307.2. (qabaqcadan vəd etmədən ağır cinayəti gizlətmə) maddələri ilə 4 il azadlıqdan məhrum edib. Ancaq 12 oktyabr 2016-cı ildə Apellyasiya Məhkəməsi onu həbsdən azad edib.

Digər beş nəfər R.Əliyevin döyülməsində bilavasitə təqsirli bilinib və uzun müddətə həbs edilib. Jurnalistlə bu cür amansız davranışa onun C.Hseynov haqqında tənqidi status yazması səbəb olub.—06D—