ABŞ-da yerləşən Jurnalistləri Müdafiə Komitəsi bu barədə Bakıda məhkəməsi başlayan Xədicə İsmayılovanın müdafiəsinə həsr olunmuş bəyanat yayıb.
"Xədicə İsmayılovanın və bütün digər jurnalistlərin azad edilməsi Azərbaycan hökuməti üçün doğru qərar olardı və onun beynəlxalq imicinin yaxşılaşdırılmasına şərait yaradırdı", deyə təşkilatın sədri Nina Oqnyanova bildirib.
Bəyanatda xatırladılır ki, Azərbaycanda ən az 7 jurnalist və bloger həbsdədir, beynəlxalq təşkilatlar onları siyasi məhbus kimi tanıyır və onların azad edilməsini tələb edir. Konkret olaraq Xədicəyə gəlincə, o, saxta iqtisadi cinayətlər törətmək ittihamı ilə həbs olunub.
Əslində o, Azərbaycan hakimiyyətinin yüksək eşelonlarında korrupsiyanı, xüsusən hakim ailənin biznesini ifşa edən araşdırmalarına görə təqib olunur.
İrəli sürülmüş ittihamlara əsasən jurnalist uzunmüddətli həbs cəzasına məhkum edilə bilər. -16D-
Siyasət
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
Rəy yaz