![Kamera yoldaşları iflic olan fəala qulluq etməkdən imtina ediblər](https://turan.az/resized/news/2024/eYhTF6GoShuz3eiMp9Jg6SGHtAdbh3QH2jTmCWOB-750-500-resize.webp)
Kamera yoldaşları iflic olan fəala qulluq etməkdən imtina ediblər
Kamera yoldaşları iflic olan fəala qulluq etməkdən imtina ediblər
1 saylı Bakı İstintaq Təcridxanasının sanitar bölməsində saxlanılan I qrup əlil, ictimai fəal Famil Xəlilovun vəziyyəti son dərəcə ağırdır. Onun bədənində çoxsaylı yaralar var, özü də antisanitar vəziyyətdədir, - həyat yoldaşı Kiçikxanım Xəlilova bildirib.
Familin qolları iflic olub, özünə baxa bilmir. Lakin istintaq təcridxanası ona sosial işçi təyin etməyib. İstintaq təcridxanasında olduğu müddətdə ona kamera yoldaşları baxıblar.
Lakin indi onlar da bundan imtina edirlər, - avqustun 2-də ona baş çəkən həyat yoldaşı bildirib.
“Famil dedi ki, kamera yoldaşları onu başqa kameraya köçürülməsini istəyiblər. Familə kömək edən kamera yoldaşı da deyib ki, üç aydır ona baxir, daha yorulub, daha baxa bilmir”, - Kiçikxanım Xəlilova bildirib.
“Famil oturub-dura bilmir. Onun bədəni antisanitariyadan yara töküb. Bütün bədəni yaradır. Antisanitariyadan yaraları da iy verir. Yaralarıı təmizlənmir, qurudulması üçün maz və pudra vurmurlar”, o qeyd edib.
Eyni zamanda növbəti dəfə fəalı ev dustaqlığına buraxmaqdan imtina ediblər. “Familə məhkəmənin qərarını iyulun 31-də təqdim ediblər. Qərarda ev dustaqlığına buraxılmamasının səbəbi kimi yazıblar ki, Familə təcridxanada hər cür yardım göstərilir, ona sosial işçi təyin edilib. Amma, bu yalandır. Həftədə bir neçə dəfə üç azyaşlı uşağımı evdə qoyub, istintaq təcridxanasına Famili yuyundurmağa gedirəm. Bizə heç kim kömək etmir. Hər dəfə taksiyə 30-35 manat xərcləməli oluram”, - deyə Xəlilova bildirib.
K.Xəlilovanın sözlərini bu gün fəalla görüşən vəkil Bəhruz Bayramov da təsdiqləyib.
Penitensiar xidmətdən şərh almaq mümkün olmayıb.
* Xatırladaq ki, Xəlilov mayın 2-də saxlanılıb və ona qarşı Cinayət Məcəlləsinin 234.4.3-cü (satış məqsədi ilə külli miqdarda narkotik vasitələri hazırlama, daşıma, saxlama) maddəsi ilə ittiham irəli sürülüb.
Məhkəmə istintaq zamanı onu 4 ay müddətinə həbs edib.
Bu maddə 5 ildən 12 ilədək müddətə azadlıqdan məhrum etməni nəzərdə tutur.
Xəlilovun yaxınları onun günahsız olduğunu və sosial şəbəkələrdə hakimiyyəti tənqid etdiyinə görə cəzalandırıldığını bildirirlər.
Siyasət
-
Tezliklə Rusiyada təkcə YouTube deyil, həm də Google, Android və İOS sistemləri bloklanacaq. Bunu bu gün Dövlət Dumasının deputatı Aleksey Didenko deyib.
-
Beynəlxalq Olimpiada Komitəsi (BOK) Parisdə keçirilən Yay Olimpiya Oyunlarının açılış mərasimində Fransanın aparıcı "France2" telekanalının müxbirinin ifadələrə görə Azərbaycandan üzr istəyib.
-
Cümə günü 30 ildən artıqdır ki, Ermənistanın işğalı altında olan və bu yaxınlarda Ermənistan tərəfindən Azərbaycana qaytarılan Qazax rayonunun Qızılxacılı kəndində mina partlayışı baş verib, bu barədə avqustun 2-də Baş Prokurorluq, Dövlət Sərhəd Xidməti və Minatəmizləmə Agentliyinin (ANAMA) birgə yaydığı bəyanatda deyilir.
-
Qafqaz Müsəlmanları İdarəsinin (QMI) sədri Şeyxülislam Allahşükür Paşazadə avqustun 3-də Səudiyyə Ərəbistanı Krallığına səfərə yola düşür.
Rəy yaz