Kamran Əliyev beynəlxalq korrupsiya qalmaqallarını şərh etmir

Bakı/15.01.20/Turan: 2019-cu ildə baş prokuror yanında Korrupsiyaya Qarşı Mübarizə İdarəsinin əməkdaşları hadisə yerində 19 nəfəri saxlayıblar. Bu barədə bu idarənin rəisi Kamran Əliyev bugünkü mətbuat konfransında məlumat verib.

Digər 17 nəfər axtarışda olduğuna görə saxlanılıb. Korrupsiyaya dair məlumatlar əsasında 49 cinayət işi açılıb.

101 şəxsin barəsində 59 iş qulluq mövqeyindən istifadə etməklə mənimsəmə və israf etmə, 69 şəxsin barəsində 55 iş qulluq mövqeyindən istifadə etməklə dələduzluq, 36 şəxs barəsində 18 iş vəzifə səlahiyyətlərindən sui-istifadə etmə, 52 şəxsin barəsində 20 iş rüşvət alma, 68 şəxsin barəsində 43 iş rüşvət vermə  və şəxsi rüşvət verməyə təhrik etmə, qalanları isə digər korrupsiya cinayətləri ilə bağlı olub.

Eyni zamanda Kamran Əliyev ad çəkməyib və söhbətin hansı korrupsiya işlərindən getdiyini dəqiqləşdirməyib. O həmçinin Azərbaycan vətəndaşlarının, o cümlədən deputatlar, iş adamları və vəzifəli şəxslərin korrupsiyada ittiham olunduğu çoxsaylı beynəlxalq qalmaqallara münasibət bildirməyib

Əsasən Avropa Şurası deputatlarının, seçkiləri müşahidə edən Avropa Parlamenti üzvlərinin ələ alınması, korrupsiya fırıldaqları və külli miqdarda pulun ofşorlara daşınması, dövlət məmurlarının xaricdə daşınmaz əmlak alması ilə bağlı heç bir şey deməyib.

Kamran Əliyev özünü elə aparıb ki, sanki  Beynəlxalq Bankın keçmiş rəhbəri,  17 il həbs cəzasına məhkum edilmiş Cahangir Hacıyevin həyat yoldaşına qarşı Londonda cinayət işinin açılmasından xəbəri yoxdur.02D-