Bakı/15.01.20/Turan: Bu gün Azərbaycan-Fransız Universiteti (UFAZ), Total E&P Abşeron şirkəti, Strasburq Universiteti (Unistra) və Paşa Bank ASC arasında anlaşma memorandumu imzalanıb.
Sənəd UFAZ və Unistra arasında akademik mübadilə və peşəkar əməkdaşlığın möhkəmləndirilməsini nəzərdə tutur.
Azərbaycan Dövlət Neft və Sənaye Universitetinin rektoru Mustafa Babanlı bildirib ki, 2020-ci ildə 125 gənc UFAZ-ın məzunu olacaq.
Fransanın Azərbaycandakı səfiri Zakari Qross qeyd edib ki, UFAZ iki ölkə arasında uğurlu əməkdaşlığın təcəssümüdür.
Səfir bildirib ki, tələbələr üçün təqaüd proqramının elan edilməsi onların Fransa universitetlərində pulsuz təhsil almasına imkan yaradacaq.
Unistra-nın rektoru Mişel Deneken bildirib ki, azərbaycanlı tədqiqatçılar fransalı həmkarı ilə birlikdə Strasburqda araşdırmalar aparacaqlar.
Total E&P Absheron və PAŞA Bank ASC memorandumda nəzərdə tutulan tədbirlərin reallaşmasına yardım göstərəcəklər.
*UFAZ 2014-cü ildə iki ölkə prezidentinin təşəbbüsü ilə yaradılıb.
Universitet 2016-cı ildən fəaliyyət göstərir və 4 texniki ixtisas üzrə tədris aparılır.
Layihə Unistra və Azərbaycan Dövlət Neft və Sənaye Universitetinin rəhbərliyilə Fransa universitetlərinin konsorsiumu tərəfindən həyata keçirilir. -16D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz