Bakı/27.02.19/Turan: Bu gün Gəncə Şəhər Hərbi Cinayətlər Məhkəməsi Ermənistan vətəndaşı Karen Kazaryanın barəsində hökm çıxarıb. O, Azərbaycan ərazisində təxribat və terror aktlarının hazırlanmasında təqsirli bilinərək 20 il azadlıqdan məhrum edilib. Məhkəmə orqanlarındakı mənbələrin məlumatına görə, proses qapalı rejimdə keçirilib.
Xatırladaq ki, K.Kazaryan (1984-cü ildə anadan olub) 2018-ci ilin iyulunda Qazax rayonunda əsir düşüb. Erməni tərəfi onun hərbçi olduğunu inkar edərək psixoloji cəhətdən sağlam olmadığını bildirib.
Ermənistan mənbələrinin məlumatına görə, o, Azərbaycan sərhəddinin yaxınlığındakı Berdavan kəndinin sakinidir.
Bundan öncə Bakı Yerevana Azərbaycanda saxlanılan üç erməni əsirin Ermənistan və Qarabağda saxlanılan üç azərbaycanlı əsir ilə dəyişdirilməsini təklif edib. Lakin erməni tərəfi bu təklifi qeyri-real adlandırıb.-02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz