Açiq mənbələrdən foto.
Bakı/29.09.21/Turan: Sentyabrın 30-da Kaxetiyada Azərbaycan, Ermənistan və Gürcüstan ekspertlərinin ikigünlük işgüzar görüşü start götürür. Görüşdə Cənubi Qafqazda etimadın möhkəmləndirilməsi və sülhün bərqərar edilməsi tədbirləri müzakirə ediləcək.
Ölkələr həm vətəndaş cəmiyyəti nümayəndələri, həm də hökumət nümayəndələri tərəfindən təmsil olunacaq.
Görüşün birinci günündə Cənubi Qafqazda etimadın möhkəmləndirilməsi tədbirləri: informasiya sahəsində, siyasi sahədə və təhlükəsizlik sahəsində, iqtisadi sahədə, kommunikasiya sahəsində, humanitar sahədə mümkün addımlar, o cümlədən minaların təmizlənməsi mövzusu müzakirə olunacaq.
Elə həmin gün məsləhətləşmələr başa çatdıqdan sonra ekspertlər oktyabrın 1-də Gürcüstan XİN-in keçirdiyi “Cənubi Qafqazda regional əməkdaşlıq sülhə doğru atılan addım kimi” Konfransının proqramına qoşulacaqlar.
Burada əsas məruzə ilə Gürcüstan xarici işlər nazirinin birinci müavini Laşa Darsaliya çıxış edəcək.
Azərbaycan və Ermənistan ekspertlərinin bu görüşü LINKS Europe tərəfindən Siyasi və İqtisadi Strateji Araşdırmalar Mərkəzi (Ermənistan) və Qafqaz Siyasətinin Təhlili Mərkəzi (Azərbaycan) ilə birgə təşkil edilib.
İyulda təşkilatçılar Bakıda və Yerevanda ekspertlərlə ayrı-ayrılıqda fikir mübadiləsi aparıblar. Məsləhətləşmələrin yekunlarına görə etimadın bərqərar edilməsi üzrə fəaliyyət planı və gələcək tədbirlərin işlənib hazırlanacağı planlaşdırılır.
Tədbir Avropa İttifaqının dəstəyi ilə keçirilir. -0-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz