Fevralın 13-dən həbsdə olan parlamentin keçmiş deputatı Gülər Əhmədovanın işi üzrə cinayət işi başa çatıb. Ona qarşı iki maddə üzrə cinayət işi qaldırılmışdı: 178.2 (dələduzluq) və 307.2 (cinayəti bilərəkdən gizlətmək).
Həbsə Beynəlxalq Universitetin keçmiş rektoru Elşad Abdullayevin açıqladığı video səbəb olub. Gizli kamera ilə çəkilmiş həmin kadrlarda G.Əhmədova və onun əlaltısı S.Babayevanın E.Abdullayevin deputat seçilməsi üçün ondan 1 mln. dollar alması ilə bağlı kadrlar var.
G.Əhmədovanın vəkili Raqif Mustafayev Turan-a bildirib ki, hazırda G.Əhmədova iş materialları ilə tanış olur. Onun sözlərinə görə, G.Əhmədova ona qarşı irəli sürülən ittihamlarla razı deyil. Belə ki, G.Əhmədova E.Abdullayevin yaydığı videoların montaj olduğunu qeyd edərək həmin videoları əsassız sayıb.
Vəkil bildirib ki, buna baxmayaraq, ibtidai istintaq sübutlar siyahısından bu materialları çıxarmayıb.
Sabiq deputatın səhhətinə gəlincə, R.Mustafayev onun səhhətinin “həmişəki kimi” olduğunu bildirib.
Qeyd edək ki, G.Əhmədova bundan əvvəl səhhətinin pis olmasından şikayətlənib.
Vəkil məhkəmə prosesinin nə zaman başlayacağını bildirməyib.16B--16B-
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz