![Səlim Müslümov](https://turan.az/resized/media/2021/main/091400038269-750-500-resize.webp)
Səlim Müslümov
Keçmiş əmək və əhalinin sosial müdafiəsi nazirinin həbs müddəti uzadılıb
Bakı/14.09.21/Turan: Keçmiş əmək və əhalinin sosial müdafiəsi naziri Səlim Müslümovun həbs müddəti daha üç ay uzadılıb, bu barədə hüquq-mühafizə orqanlarındakı mənbələr məlumat yayıblar. Müslümov əlillərin və sağlamlıq imkanları məhdud uşaqların reablitasiyası, sosial müdafiəsinin təşkilində çoxsaylı sui-istifadə hallarına yol verməsi ittihamı ilə bu ilin fevral ayında Dövlət Təhlükəsizliyi Xidməti tərəfindən həbs edilib.
Bununla yanaşı istintaq Müslümovun tabeliyində olan qurumların rəhbərlərindən 10 min manatdan 30 min manata qədər rüşvət alması faktlarını da üzə çıxarıb.
Qeyd edək ki, Müslümov həbs olunduğu zaman pensiyaçı olub, irəli sürülən ittihamlar isə onun 2013-2018-ci illərdə vəzifədə olduğu dövrə aiddir.
Səlim Müslümova qarşı Azərbaycan Cinayət Məcəlləsinin 308.2-ci (vəzifə səlahiyyətlərindən sui-istifadə, ağır nəticələrə səbəb olduqda), 311-3.2-ci və 311.3.3-cü (külli miqdarda rüşvət alma, təkrar törədildikdə) maddələri irəli sürülüb. 06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz