Keçmiş nazir SəlimM üslümovun məhkəməsi başlayır

Bakı/08.08.22/Turan:Avqustun 8-də Bakı Ağır Cinayətlər Məhkəməsində hakim Faiq Qəniyevin sədrliyi ilə keçmiş əmək və əhalinin sosial müdafiəsi naziri Səlim Müslümovun cinayət işi üzrə hazırlıq iclası keçirilib.

S.Müslümovun vəkillərinin məhkəmə iclaslarının qapalı aparılması barədə vəsatəti hakim tərəfindən təmin edilməyib.

Məhkəmə baxışı avqustun 15-nə təyin edilib.

Xatırladaq ki, Səlim Müslümov 2013 -cü ilin oktyabrından 2018-ci ilin aprelinədək Azərbaycanın əmək və əhalinin sosial müdafiəsi naziri olub. Onun nazir işlədiyi dövrdə nazirliyin fəaliyyəti Dövlət Təhlükəsizliyi Xidməti tərəfindən  araşdırılıb.

Toplanılan materiallar üzrə S. Müslümov Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə təqsirləndirilən şəxs qismində məsuliyyətə cəlb olunaraq barəsində məhkəmənin qərarı ilə 2021-ci ilin fevralında həbs qətimkan tədbiri seçilib.

Daha sonra səhhətindəki problemlərlə bağlı sabiq nazir ev dustaqlığına buraxılıb.

Yerli mediasnın məlumatına görə keçmiş nazirin çoxsaylı daşınmaz əmlakının üzərinə həbs qoyulub.-16d-