Açiq mənbələrdən foto.
Korrupsiya halları ilə bağlı Cəlilabadda, Tərtərdə və Yevlaxda vəzifəli şəxslər tutulub
Bakı/02.08.23/Turan: Son günlər prokurorluq orqanları Cəlilabad və Tərtər rayonlarında icra hakimiyyələrinin, həmçinin Yevlax rayon Mərkəzi Xəstəxanasının vəzifəli şəxslərini rüşvət və korrupsiya ittihamları ilə saxlayıb.
Baş Prokurorluğun Mətbuat xidmətinin məlumatına görə, Cəlilabad Rayon İcra Hakimiyyəti Başçısı Aparatının Memarlıq və Tikinti şöbəsinin müdiri - Baş memar Sahil Qənbərli, Cəlilabad bələdiyyəsinin sədri Mehdi Kərimov və rayonun Üçtəpə bələdiyyəsinin sədri Əmrah Quliyev, Tərtər Rayon İcra Hakimiyyəti Başçısı Aparatının Memarlıq və tikinti şöbəsinin müdiri – baş memar Tofiq Kərimov və “Yevlax Rayon Mərkəzi Xəstəxanası”nın vəzifəli şəxsləri Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.1, 311.3.2 və 311.3.3-cü (qabaqcadan əlbir olan bir qrup şəxs tərəfindən təkrar və külli miqdarda rüşvət alma), 178.2.3-cü (qulluq mövqeyindən istifadə etməklə dələduzluq) maddəsi ilə təqsirləndirilən şəxs qismində cəlb olunub.
Son bir neçə ildə Azərbaycanda rüşvət və korrupsiya ittihamı ilə bir neçə nazir, nazir müavinləri, onadək icra hakimiyyəti başçısı, çoxsaylı idarə rəisləri və digər vəzifəli şəxslər həbs edilib. Bununla yanaşı ölkədə korrupsiya halları azalmayıb.
Azərbaycan beynəlxalq korrupsiya indeksində 180 ölkə arasında 128-ci yeri bölüşür. 03
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
Rəy yaz