Kramatorskda dəmiryol vağzalında həlak olanların sayı 50 nəfərə çatıb/YENİLƏNİB/

Son məlumatlara görə, Kramatorskda dəmiryol vağzalına raket hücumu nəticəsində 50 nəfər həlak olub. Bu barədə Donetsk vilayətinin administrasiyasının rəhbəri Pavel Kirilenko məlumat verib.

38 nəfər hadisə yerində, 12 nəfər isə xəstəxanada dünyasını dəyişib. Ölənlər arasında beş uşaq da var.

*   *   *

2022 Aprel 08 (Cümə) 15:28:27

Kramatorsk vağzalına endirilən raket zərbəsi nəticəsində 35 böyük və 4 uşaq həlak olub /YENİLƏNİB/

Bakı/08.04.22/Turan: Aprelin 8-də səhər Kramatorsk dəmiryol vağzalına raket zərbəsinin endirilməsi  nəticəsində 35 böyük və 4 uşaq həlak olub. Bu barədə günün ikinci yarısında UkraynaTəhlükəsizlik Xidməti məlumat verib. -02D

*   *   *

2022 Aprel 08 (Cümə) 12:49:34

Kramatorsk vağzalına raket zərbələri endirilib, onlarla adam həlak olub

Bakı/08.04.22/Turan: Aprelin 8-də səhər Rusiya qoşunları Donetsk vilayətində Kramatorsk şəhəri dəmiryol vağzalına iki raket zərbəsi endirib.

İlkin məlumatlara görə, 30 nəfər həlak olub, yüzlərlə adam yaralanıb.

İlkin məlumatlara görə, zərbələr "İsgəndər" raketləri ilə endirilib. Hücum zamanı vağzalda Donbasdan təhlükəsiz sahələrə evakuasiya olunan minlərlə adam olub. Hazırda Ukrayna hökuməti Xarkov, Luqansk və Donetsk vilayəti əhalisini evakuasiya edir.-0-