Son yenilənmə

(1 saat əvvəl)
Sergei Lavrov.

Sergei Lavrov.

Bakı/08.04.22/Turan: Rusiyanın xarici işlər naziri Sergey Lavrov bildirib ki, Qarabağ nizamlanması üzrə ATƏT-in Minsk Qrupu həmsədrləri üçlüyünün gələcək taleyinin necə olacağını bilmir. Səbəb ABŞ və Fransanın mövqeyilə bağlıdır. Bu barədə Lavrov aprelin 8-də Moskvada erməni nazir Ararat Mirzoyanla keçirdiyi brifinqdə bildirib.

"Bu qrup üzrə fransalı və amerikalı tərəfdaşlarımız rusofob çılğınlığı ilə Rusiyaya aid hər şeyi ləğv etməyə cəhd edirlər və bildiriblər ki, bu formatda bizimlə ünsiyyət qurmayacaqlar”, - nazir deyib.

Lavrov ABŞ və Fransanı rusofobiyada ittiham edib. "Biz Qarabağ probleminin nizamlanmasına,  Ermənistan, Azərbaycan və Rusiya liderləri arasında üçtərəfli formatda əldə edilmiş bütün razılaşmaların yerinə yetirilməsinə sadiqik", - o deyib.

Lavrov həmçinin qeyd edib ki, Brüsseldə Paşinyanla Əliyev arasında “delimitasiya və ticarət əlaqələrinin açılması, həmçinin Yerevan və Bakı arasında münasibətlərin normallaşdırılması üzrə razılaşmalar Putinin Ermənistan və Azərbaycandan olan həmkarları ilə görüşündə əldə edilmiş razılaşmalara uyğundur".

"Biz bu gün təsdiq etdik ki, delimitasiya komissiyasının Rusiya tərəfin məşvərətçi iştirakı ilə ikitərəfli olacağı barədə Rusiya, Ermənistan və Azərbaycan liderlərinin qərarı qüvvədə qalır", - Lavrov deyib və ümidvar olduğunu bildirib ki, ABŞ və Fransa bu razılaşmaların reallaşdırılmasına mane olmayacaqlar. -02D-

 

Rəy yaz

Siyasət

Audio xəbər

Bizi sosial şəbəkələrdə izləyin

Xəbər lenti