KTMT Özbəkistandakı vəziyyətə müdaxilə edəcək?

Bakı/06.07.22/Turan: Kollektiv Təhlükəsizlik haqqında Müqavilə Təşkilatı (KTMT) Özbəkistanda vəziyyətin pisləşməsi ilə üzləşə bilər. Bu bəyanatı bu təşkilatın nümayəndəsi Aleksandr Kuznetsov çərşənbə günü Soçidə informasiya təhlükəsizliyinə həsr olunmuş konfransda çıxış edərkən bildirib.

Kuznetsov hesab edir ki, Özbəkistan KTMT-nin məsuliyyət bölgəsinə daxil idi.

"Hələlik hadisələrin inkişafı proqnozlaşdırılır. Hər şey çox qeyri-sabitdir", deyən nümayəndə əlavə edib ki, çərşənbə axşamı prezident Putin prezident Mirziyoyevlə telefonla danışıb və Özbəkistan rəhbərliyinin Karakalpakstanda vəziyyəti sabitləşdirmək səylərinə dəstək ifadə edib.

Kuznetsovun sözlərinə görə, KTMT hesab edir ki, etirazlardan bir müddət sonra da Özbəkistanda vəziyyət pisləşə bilər.

"Həllik hər şey çox qeyri-sabitdir, fəsadlar gözlənilir... buna da reaksiya veriləcək", deyə o bildirib.

Xatırladaq ki, Karakalpakiyada etirazlar iyulun 1-də Özbəkistan Konstitusiyasına regionun Özbəkistanın tərkibindən çıxmaq hüququnu ləğv edən düzəlişlərlə əlaqəda başlayıb. 

Ən az 18 nəfərin ölümünə səbəb olan etirazlar başladıqdan sonra prezident Şavkat Mirziyoyev Nukusa gəlib və Konstitusiyaya düzəliş etməməyi təklif edib.

Regionda avqustun 2-nə qədər fövqəladə vəziyyət elan olunub. 0