KXCP xalqı referendumu boykota çağırır

Klassik Xalq Cəbhəsi Partiyası (KXCP) Konstitusiyaya dəyişiklikləri rəsmiləşdirməyi nəzərdə tutan referendumla bağlı bəyanat yayıb.

Müəlliflər referendumun keçirilməsini 20% torpağı işğal altında olan bir ölkədə iqtidarın hakimiyyətini əbədiləşdirmək cəhdi kimi dəyərləndirir. Ölkədə müstəqil hakimiyyət qolunun qalmadığını deyən müəlliflər qanunverici və məhkəmə hakimiyyətlərinin icra hakimiyyətinin əlavəsinə çevridliyini bildirirlər. Bununla birgə seçki komissiyalarının da oyuncaq hala gətirildiyini vurğulayırlar. 

Sənəddə bu referendim iqtidarın hakimiyyətin ailə daxilində ötürülməsinə xidmət edən növbəti referendum kimi qiymtələndirilir. Müəlliflərə görə, bunun səbəbi iqtidarın dünyanın inkişafının təməlində demokratyanın dayanması fərqinə vara bilməməsindədir.

Müəlliflər bildirirlər ki,  hakim ailənin ofşor banklardakı hesabları, bir çox ölkələrdəki mülklərinin və mediadakı ticarət şəbəkələri bir neçə ildir ki, dünya ictimaiyyətinin gündəmində yer alır. Müəlliflərə görə, beynəlxalq qurumların korrupsiya-rüşvət hesabatlarında, seçki saxtakarlıqları ilə bağlı Avropa məhkəməsinin qərarlarında adı hallanan iqtidar saxta referendumla “əbədi”liyini qorumaq düşüncəsindədir.

Bəyanatda referendumla bağlı qərarların ləğv olunması tələb edilir, xalq isə bu refrendumu boykot etməyə çağırılır. –0--